ភ្នំពេញ : លោក ខៀវ កាញារឹទ្ឋ រដ្ឋមន្ត្រីក្រសួងព័ត៌មាន នៅថ្ងៃទី១០ ខែឧសភា ឆ្នាំ២០២៣ បានបញ្ជាក់នៅលើផេកផ្លូវការថា, នេះជាអត្ថបទដែលចុះផ្សាយដោយកាសែត ថៃរដ្ឋ ដែលជាកាសែតភាសាថៃធំជាងគេបំផុតនៅក្នុងប្រទេសថៃ ។

លោករដ្ឋមន្ត្រីក្រសួងព័ត៌មាន បានដកស្រង់ កាតសរសេររបស់កាសែតថៃមកបង្ហោះថា, ថ្វីត្បិតតែនៅក្នុងការប្រកួតកីឡាស៊ីហ្កេម ២០២៣ ទីក្រុងភ្នំពេញនៃកម្ពុជា មានសីតុណ្ហភាពរដូវក្តៅដូចគ្នាទៅនឹងប្រទេសថៃយ៉ាងណាក្តី នៅក្នុងការប្រកួតអុកខ្មែរ ក្រុមអ្នកគាំទ្រកីឡាខ្មែរបាននាំគ្នាមកមើលការប្រកួតរួមទាំងក្រុមជំរើសជាតិថៃផងដែរ ។

ម្ចាស់ផ្ទះបានស្វាគមន៍ និង យកចិត្តទុកដាក់ថែទាំពួកកីឡាករថៃយ៉ាងអស់ពីចិត្ត ។ ចាប់តាំងពីដើរចូលក្នុងកីឡដ្ឋានភ្លាម ។ ក្រុមអ្នកស្ម័គ្រចិត្តបានបង្ហាញការគោរពចំពោះសារព័ត៌មានបរទេស ។ នៅក្នុងកីឡដ្ឋាន ក្រុមអ្នកស្ម័គ្រចិត្តដើរចែកទឹកដល់អ្នកគាំទ្រកីឡាទាំងឡាយដែលមកមើលការប្រកួតរួមទាំងអោយទឹកដល់ក្រុមយកព័ត៌មានកីឡារបស់កាសែត ថៃរដ្ឋ ផងដែរ ។ នៅកីឡដ្ឋាននានាក៏មានអាហារសម្រន់ និង ទឹកត្រជាក់សម្រាប់រាល់តម្រូវការផងដែរ ។

ប្រជាជនកម្ពុជាមានភាពរាក់ទាក់ស្និទ្ធស្នាលជាមួយប្រជាជនថៃ មិនដូចអ្នកខ្លះដែលជះកំហឹងតាមប្រព័ន្ធផ្សព្វផ្សាយសង្គមនោះឡើយ ។ ជាក់ស្តែងទៅ ប្រជាជនកម្ពុជាសុទ្ធតែមានសន្តានចិត្តល្អ និង ទូលាយណាស់ ។
រូបថតរបស់កាសែត ថៃរដ្ឋ ( បកប្រែ ត ពីភាសាអង់គ្លេស )៕

ដោយ : សហការី