ខេត្តរតនគិរី៖ រថយន្តបាឡែនមួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ 2X-1365 លួចដឹកឈើប្រណិតប្រភេទធ្នុងជាច្រើនដុំ ហើយដឹកចេញពីព្រំប្រទល់ខេត្តស្ទឹងត្រែង ឆ្ពោះទៅខេត្តរតនគិរី ។

ករណីនេះកម្លាំងប៉េអឹមស្នាក់ការ៧៨១ ធ្វើការបង្ក្រាបបានកាលពីវេលាម៉ោង៨និង១៨នាទីយប់ថ្ងៃទី២៨ ខែមិថុនាឆ្នាំ២០១៦ ក្បែរស្នាក់ការ៧៨១ ស្តិតនៅភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី ។

លោកអនុសេនីយ៍ឯក ហង្ស វុទ្ធី ជំនួយការស្នាក់ការ៧៨១ បានឲ្យដឹងថា ក្រោយពីបង្ក្រាបបានកម្លាំងយើងបានរកឃើញស្លាកលេខមួយទៀតនៅក្នុងរថយន្តដឹកឈើគឺភ្នំពេញ 2Z-6061 ក្រោយពីការបង្ក្រាបរថយន្តខាងលើនេះ ម្ចាស់រថយន្តបានចុះរត់គេចខ្លួនបាត់ស្រមោល។

បច្ចប្បន្នរថយន្តដឹកឈើត្រូវបានកម្លាំងប៉េអឹមប្រគល់ទៅឲ្យជំនាញរដ្ឋបាលព្រៃឈើខណ្ឌនៅព្រឹកថ្ងៃទី២៩ ខែមិថុនា ឆ្នាំ២០១៦ នេះ ដើម្បីចាត់ការបន្តតាមនីតិវិធី៕

ដោយ៖ វុទ្ធឦសាន