អភិបាលក្រុងមូស្គូ និងក្រសួងការពារជាតិរុស្ស៊ីបានបញ្ជាក់ថា យន្តហោះ UAV ជាច្រើនគ្រឿង ដែលធ្វើដំណើរឆ្ពោះទៅកាន់រដ្ឋធានីរុស្ស៊ី ត្រូវបានបំផ្លាញដោយប្រព័ន្ធការពារដែនអាកាសនៅព្រឹកនេះ (១០ សីហា)។
ការចែករំលែកនៅលើបណ្តាញ Telegram អភិបាលក្រុងមូស្គូលោក Sergei Sobyanin បាននិយាយថា យន្តហោះគ្មានមនុស្សបើក (UAVs) ចំនួនពីរគ្រឿងដែលហោះឆ្ពោះទៅទីក្រុងមូស្គូត្រូវបានស្ទាក់ចាប់និងបាញ់ទម្លាក់ដោយជោគជ័យនៅព្រឹកនេះ។
យោងតាមលោក Sobyanin ប្រព័ន្ធការពារដែនអាកាសរុស្ស៊ីត្រូវបានធ្វើឱ្យសកម្មនៅម៉ោង 4 ព្រឹក (ម៉ោងក្នុងតំបន់) ។ UAV មួយគ្រឿងត្រូវបានស្ទាក់ចាប់នៅក្នុងតំបន់ Kaluga ហើយមួយទៀតត្រូវបានបាញ់ទម្លាក់នៅជិតផ្លូវ Central Ring Road ។
យោធារុស្ស៊ីបានបន្ថែមថា UAVs ប្រាំបួនគ្រឿងផ្សេងទៀតត្រូវបានគ្រប់គ្រងដោយវិធីសាស្រ្តសង្គ្រាមអេឡិចត្រូនិក បន្ទាប់មកបានធ្លាក់ចូលទៅក្នុងសមុទ្រខ្មៅ។ ក្រសួងការពារជាតិរុស្ស៊ីបាននិយាយថា “ជាលទ្ធផល ការវាយប្រហារភេរវករត្រូវបានរារាំងដោយមិនមានអ្នកស្លាប់ ឬការខូចខាត”។
ទោះបីជាយ៉ាងណាក៏ដោយ ហាងជួសជុលរថយន្តមួយកន្លែងនៅជាយក្រុង Domodedovo ក្បែរទីក្រុងមូស្គូ ត្រូវបានឆាបឆេះយ៉ាងសន្ធោសន្ធៅលើផ្ទៃដីប្រហែល 1.000 ម៉ែត្រការ៉េ។ ក្រសួងសង្គ្រោះជាតិរុស្ស៊ីបានបញ្ជាក់ពីហេតុការណ៍នេះ។ សាក្សីបាននិយាយថា ពួកគេបានឮសំឡេងផ្ទុះជាច្រើនគ្រាប់។ វាមិនច្បាស់ទេថាតើការឆេះនេះទាក់ទងនឹងការស្ទាក់ចាប់ UAVs ដែលគ្រោងនឹងវាយប្រហារទីក្រុងមូស្គូឬយ៉ាងណា៕ ដោយធីរីណា
រូបថត: Vietnamnet.vn
