ខេត្តប៉ៃលិន៖  នៅវេលាម៉ោង១និង៣០នាទីថ្ងៃទី២៩ ខែមិថុនា ឆ្នាំ២០១៦ មានករណីគ្រោះថ្នាក់ចរាចរណ៍រវាងរថយន្តបុកជាមួយម៉ូតូ ស្ថិតនៅចំណុចផ្លូវជាតិលេខ៥៧ ភូមិដីក្រហម សង្កាត់អូរតាវ៉ៅ ក្រុង-ខេត្តប៉ៃលិន។

បង្កឡើងដោយរថយន្តម៉ាក LEXUS R.X 300 ពណ៌ខ្មៅ ពាក់ស្លាកលេខ សៀមរាប 2A-4229 (ខូចខាតធ្ងន់)
បើកបរដោយជនមិនស្គាល់អត្តសញ្ញាណទៅបុកម៉ូតូម៉ាក HONDA DREAM C125 ពណ៌ខ្មៅ សេរី២០១៣ ពាក់ស្លាកលេខ ប៉ៃលិន 1A-9552 (ខូចខាតធ្ងន់) រថយន្តបង្កបើកបរពីលិនទៅកើតបញ្ច្រាស់ទិសគ្នា ម៉ូតូបើកពីកើតទៅលិច។

ប្រភពពីសមត្តកិច្ចបានឲ្យដឹងថា រថយន្តបើកចុះចំណោតរអិលរេចង្កូតទៅបុកម៉ូតូដួលរួចកិនចំពោះនិងជើងស្ដាំ (ស្លាប់ភ្លាម់ៗនិងកន្លែងតែម្ដង។

ប្រភពបន្តថា ជនរងគ្រោះឈ្មោះ ជន់ ឃន ភេទប្រុស អាយុ៤១ឆ្នាំ មុខរបលក់ត្រីតាមភូមិ រស់នៅភូមិវត្ត សង្កាត់-ក្រុង- ខេត្តប៉ៃលិន រីឯជនសង្ស័យមិនស្គាល់អត្តសញ្ញាណបានរត់គេចខ្លួនបាត់ស្រម៉ោល។

បច្ចុប្បន្នសាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណីខ្មែរចំណែកម៉ូតូនិងរថយន្តរក្សាទុកនៅស្នងការនគរបាលខេត្តប៉ៃលិនរង់ចាំការដោះស្រាយតាមនីតិវិធី៕

ដោយ៖ ស សារឿន