ខេត្តពោធិ៍សាត់៖ សត្វឆ្កែចំនួន ១៣ក្បាលងាប់ពេញភូមិព្រមទាំងបានបាត់ម៉ូតូ១គ្រឿងផងដែរ ដោយសារកណ្ដាប់ដៃពួកក្រុមចោរដើរដាក់ថ្នាំបំពុលដើម្បីលួចទ្រព្យសម្បត្តិប្រជាពលរដ្ឋចុងកាត់មាត់ញក។
ហេតុការណ៍នេះបានកើតឡើងកាលពីរំលងអធ្រាត្រថ្ងៃទី២៩ ខែមិថុនា ឆ្នាំ២០១៦ ត្រង់ចំណុចភូមិព្រៃកន្ទួត ឃុំតាលោ ស្រុកបាកាន ខេត្តពោធិ៍សាត់ ។
ប្រភពពីកន្លែងកើតហេតុបានឲ្យថា មុនដំបូងគ្រួសារមួយឈ្មោះ ថន ធីម ភេទប្រុស អាយុ ៣៦ឆ្នាំ និងប្រពន្ធឈ្មោះ គង់ អ៊ីន អាយុ៤៥ឆ្នាំ រស់នៅភូមិ-ឃុំកើតហេតុខាងលើនៅម៉ោងប្រមាណជាង៨យប់ (មុនកើតហេតុ) សត្វឆ្កែគាត់ ១ក្បាលលីលើៗពួកគាត់ក៏នាំគ្នាចាប់បញ្ច្រកថ្នាំព្រោះស្មានថា សត្វពស់វែកចឹក រួចក៏នាំគ្នាដេកដោយមិនបានចាប់អារម្មណ៍នោះឡើយ។
បន្ទាប់ពីលុងលក់អស់មួយស្របក់ធំនេះទើបរលឹកនៅក្នុងចន្លោះម៉ោងជាង១១យប់ស្រាប់តែក្រឡេករកមើលម៉ូតូដែលចាក់សោកនៅក្រោមផ្ទះក្បែគ្រែជាប់កន្លែងពួកដេកបាត់ស្រម៉ោលឈឹង គ្រានោះក៏បានភ្ញាក់ផ្អើលឆោឡោកើតឡើងហើយបាននាំគ្នាជិះម៉ូតូដើររក ដោយពុំបានចាប់អារមណ៍ការសត្វឆ្កែងាប់យ៉ាងរង្គាលនេះទេ លុះមេឃស្រាងៗទៀបភ្លឺទើបភ្ញាក់ផ្អើលឡើងម្តងទៀតបន្ទាប់ពីប្រទះឃើញសត្វឆ្កែញីឈ្មោលសម្បុលស,ក្រហម,ខ្មៅ,និងសម្បុលលាយចម្រុះចំនួន ១៣ក្បាលរដូករណេលពេញភូមិ ទើបរាយការណ៍ប្រាប់សមត្តកិច្ចអាជ្ញាធរមូលដ្ឋានធ្វើឲ្យយឺតពេលក្នុងការឃ្លាំមើលនិងទប់ស្កាត់ ហើយម៉ូតូដែលក្រុមពួកចោរយកទៅបាត់នោះម៉ាកហុងដាឌ្រីមសេ១២៥ សេរីឆ្នាំ២០១២ ពណ៌ខ្មៅ ពាក់ស្លាកលេខ ពោធិ៍សាត់ 1D-0478 ជាកម្មសិទ្ធឈ្មោះ ថន ធីម ម្ចាស់កើតហេតុខាងលើ។
តាមការបញ្ជាក់ពីសមត្តកិច្ចនគរបាលមូលដ្ឋានឲ្យថា ក្រោយកម្លាំងចុះស្រាវជ្រាវឃើញថាសត្វឆ្កែចំនួន ១៣ក្បាលពុលថ្នាំងាប់ ហើយសត្វឆ្កែពុលងាប់ទាំងនោះម្ចាស់មានច្រើនគ្រួសាររស់នៅភូមិ-ឃុំខាងលើ និងឃើញសាច់ជ្រូកប្រឡាក់ថ្នាំពុលដែលក្រុមជនសង្ស័យធ្វើសកម្មភាព ដាក់រាយប៉ាយតាមដងផ្លូវនិងខ្លះនៅក្នុងរបងផ្ទះផងដែរពាសពេញភូមិតែម្តង។
ប្រភពពីសមត្តកិច្ចបន្តទៀតថា គេសង្ស័យក្រុមនេះអាចមានផែនការផ្សេងពីនេះក៏ថាបាន ព្រោះការធ្វើសកម្មភាពដាក់ថ្នាំបំពុលសត្វឆ្កែដើម្បីលួចទ្រព្យសម្បត្តិប្រជាពលរដ្ឋខាងលើនេះកម្រមានណាស់គឺស្ងាមស្ងាត់ពេញភូមិតែម្តង ម្យ៉ាងទៀតសកម្មភាពនេះស្ងាត់យូហើយ ឥឡូវលេចមុខចេញមកធ្វើសកម្មភាពនាំបញ្ហារញាក់សាច់ដល់ប្រជាពុលរដ្ឋទៀតហើយ ហើយប្រភពអះអាងថា ករណីខាងលើនេះមានតំរុយខ្លះៗដែរ ប៉ុន្តែបញ្ហាធំគួរឲ្យព្រួយបារម្ភបន្តនោះត្រង់ហាមប្រជាពលរដ្ឋមិនឲ្យបរភោគសាច់សត្វពុលងាប់ទាំងនោះមិនបាន។
បញ្ហាខាងលើនេះនាំឲ្យមានចម្ងល់ដល់មតិមហាជនត្រង់ថា ឯណាទៅភូមិឃុំមានសុវត្ថិភាព? ម្យ៉ាងគេនៅចាំបានច្បាស់ណាស់កាលពីទី២៥ ខែមិថុនា ឆ្នាំ២០១៦ មានគេបង្ហោះហ្វេសបុកទាក់ទងនិងសម្ដីពិត, ការងារពិត របស់លោក អភិបាលខេត្តពោធិ៍សាត់ថា គឺគ្មានចោរលួចគោក្របី គ្មានក្មេងទំនើងបង្ហោះម៉ូតូ បង្ហោះកាណូត ក្នុងទីរួមខេត្តគ្មានអ្នកសុំទាន ល្បែងស៊ីសងត្រូវបានកាត់បន្ថយស្ទើរគ្មានសល់ ហើយរយៈពេល២ឆ្នាំកន្លងមកនេះលោកក៏ជាសមាជិកម្នាក់នៃគ្រួសាររបស់ពលរដ្ឋដែរ ។
ដោយ៖ ប៉ឹម ពិន
