ខេត្តតាកែវ៖ សាខាកាកបាទក្រហមកម្ពុជា ខេត្តតាកែវ កាលពីព្រឹកថ្ងៃទី០១ ខែកក្កដា ឆ្នាំ២០១៦ បើកពិធីសម្ពោធដាក់ឲ្យប្រើប្រាស់នូវស្រះទឹកទំហ៊ំ៥០ម៉ែត្រ គុណ ៦០ម៉ែត្រ ជម្រៅ៤ម៉ែត្រ និងផ្លវចូលស្រះទឹកប្រវែង១៧០ម៉ែត្រ ទទឹង៥ម៉ែត្រ។

ពិធីសម្ពោធដាក់ឲ្យប្រើប្រាស់នូវស្រះនេះផងដែរមានការចូលរួមពីលោកស្រី ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា តំណាងខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ស្ថិតនៅភូមិក្ប៉ម ឃុំក្តាញ់ ស្រុកព្រៃកប្បាស ខេត្តតាកែវ ។

លោកស្រីអគ្គលេខាធិការរងបានសំណេះសំណាលជាមួយប្រជាពលរដ្ឋដែលបានចូលរួមសប្បាយរីករាយក្នុងការទទួលបានស្រះទឹកប្រើប្រាស់ដើម្បីសម្រួលការលំបាកកនេះ និងបានចែកជូននូវអំណោយមនុស្សធម៌ដល់ប្រជាលពរដ្ឋដែលចូលរួមក្នុងពិធីនេះផងដែរ ៕

ដោយ៖ សីលា