ដោយសារតែច្រឡំកម្លាំងទាហ៊ានជើងទឹកតៃវ៉ាន់នៅថ្ងៃទី១ ខែកក្កដា នេះ បានបាញ់មីស៊ីលចូលទៅឆ្នេរសមុទ្រក្នុងពេលដែលចិនកំពុងតែប្រារពខួបទី៩៥ ថ្ងៃបង្កើតបក្សកុម្មនិស្តចិន។
កាំជ្រួចមីស៊ីលដែលបាញ់ទៅនោះជាប្រភេទ Hsiung Feng III បានបាញ់ចេញពីទីតាំងទាហ៊ានជើងទឹកនៅភាគខាងត្បូងកោះតៃវ៉ាន។
ការបាញ់នោះកើតឡើងចំពេលដែលមេដឹកនាំកោះតៃវ៉ាន់និងមេបញ្ចាការកងទ័ពប្រទេសនេះកំពុងតែបំពេញទស្សនកិច្ចទៅក្រៅប្រទេស ហើយចំពេលដែលចិនកំពុងតែប្រារពខួបទី៩៥ ថ្ងៃបង្កើតបក្ស។ នេះជាសកម្មភាពមួយដ៏គ្រោះថ្នាក់បំផុតអាចបង្ករឲ្យមានប្រតិកម្មយ៉ាងខ្លាំងពីប្រទេសចិន ហើយទីក្រុងប៉េកាំង អាចចាត់ទុកថា ជាការគម្រាមកំហែងពេលចិនកំពុងតែប្រារពខួប។
កាំជ្រួចមីស៊ីលខាងលើបានបាញ់ហួសព្រំដែនសមុទ្រកោះតៃវ៉ាន់។ មេបញ្ចាការកងព័ពលោក Mei បានបញ្ចាក់ថា ការបាញ់នោះមិនមានន័យថា តៃវ៉ាន់បាញ់សំដៅចូលក្នុងខេត្តភូកៀន របស់ចិននោះឡើយ ។ កាំជ្រួចមីស៊ីលខាងលើបានបាញ់ចេញពីទីតាំងយោធានៅ Zuoying ហើយបានធ្លាក់នៅតំបន់សមុទ្រកោះ Penghu ។
តាមការបកស្រាយរបស់លោក Mei ការបាញ់មីស៊ីលនោះគឺជាការយល់ច្រឡំ ។ នាវាយាមល្បាត Chinchiang កំពុងតែចូលរួមធ្វើសមយុទ្ធក្នុងពេលនោះ ហើយមន្ត្រីយោធាធ្វេសប្រហែសធ្វើឲ្យយល់ច្រឡំបាញ់មីស៊ីលដែលគ្មាននៅក្នុងគម្រោងធ្វើសមយុទ្ធ។ ប៉ុន្តែវាមិនបានបង្ករឲ្យមានរបួសស្នាមណាមួយនោះឡើយ។
កាំជ្រួចមីស៊ីល Hsiung Feng III បាញ់បានចម្ងាយ ៣០០គីឡូម៉ែត្រ អាចបាញ់ដល់ចិនដីគោកដែលជាកាំជ្រួចមីស៊ីល ជាមីស៊ីលដែលតៃវ៉ាន់បានដាក់ពង្រាយឲ្យប្រើប្រាស់នៅក្នុងជួរកងទ័ព ដើម្បីទប់ទល់និងការគម្រាមកំហែងរបស់ចិន ក្រោយពេលចិនបានគម្រាមកំហែងថានឹងប្រើប្រាស់ហឹង្សាដើម្បីវាយប្រហារទៅលើកោះនេះ។
ការបាញ់ច្រឡាំខាងលើកើតឡើងចំពេលដែលចិនបានសាកល្បងមីស៊ីលរបស់ខ្លួននៅកោះហាវៃ អាមេរិក ដើម្បីការពារដែនអធិបតេយ្យរបស់ខ្លួន៕
ប្រែសម្រួល៖ ម៉ែវ សាធី
