ខេត្តកណ្តាល៖ កាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី៣០ ខែកក្កដា ឆ្នាំ២០១៥ បុរសម្នាក់ត្រូវចោរចូលលួចម៉ូតូឈ្មោះ អ៊ុំ ហូវ អាយុ៤០ឆ្នាំស្នាក់នៅ ភូមិ ឬស្សីជ្រោយ ឃុំឬស្សីជ្រោយ ស្រុក មុខកំពូល ខេត្តកណ្តាល។
បើតាមការឲ្យដឹងពីជនរងគ្រោះបានឲ្យអ្នកយកពត៌មាននគរវត្តដឹងថា មុនពេលចោរចូលលួចម្ចាស់រឺម៉កម៉ូតូ បានទុកម៉ូតូ នៅខាងមុខផ្ទះ តែផ្ទះរបស់គាត់ មានរបងថ្មពទ្ធ័ជុំវិញ តែថ្ងៃកើតហេតុ គាត់ពុំបានបិទទ្វាររបង ហើយរូបគាត់ក៏ចូលទៅសម្រាកលង់លក់រហូតដល់ម៉ោង៤ ទៀបភ្លឺ ក្រោកមើលម៉ូតូ ស្រាប់តែបាត់ម៉ូតូ ឃើញនៅតែកន្ទុយរ៉ឺម៉ក ក៏មានការភ្ញាក់ឡើង ហើយម្ចាស់រ៉ឺម៉ក បានទៅដាក់ពាក្យបណ្តឹងនៅសមត្ថកិច្ច នគរបាលប៉ុស្តិ៍ឬស្សីជ្រោយ ដើម្បីឲ្យជួយស្រាវជ្រាវ រកមុខសញ្ញា។
បុរសរងគ្រោះបានបញ្ជាក់ផងដែថា ម៉ូតូរបស់គាត់ម៉ាកឌ្រីមសង់ ពណ៌ខ្មៅពាក់ស្លាក់លេខ កណ្តាល ១៩ ០៥ សេរីឆ្នាំ២០០៣ឡើងតែម០៤ ៕ ឡូ សំអាត
