ក្រុមប្រឹក្សាអ្នកពិគ្រោះយោបល់ផ្នែកអចលនទ្រព្យថៃបានឱ្យដឹងថា តម្រូវការរបស់អ្នកទិញអចលនទ្រព្យនៅប្រទេសថៃនឹងបន្តកើនឡើងវិញ បន្ទាប់ពីរងចាំមើលលទ្ធផលនៃការធ្វើប្រជាមតិកន្លងមក។
លោក Phanom Kanjanathiemthao បានមានប្រសាសន៍ថា នាយកគ្រប់គ្រងរបស់ក្រុមហ៊ុន Knight Frank Chartered បានមានប្រសាសន៍ថា ការចាកចេញរបស់អង់គ្លេសនឹងប៉ះពាល់អារម្មណ៍នៅក្នុងទីផ្សារនេះតែក្នុងរយៈពេលខ្លីប៉ុណ្ណោះ ពោលគឺមិនជះឥទ្ធិពលខ្លាំងដល់តម្លៃអលចនទ្រព្យនោះទេ។
លោកបានបន្ថែមទៀតថា «កំណើននៃការវិនិយោគ និងការជួលប្រហែលជា ១០ភាគរយ ក្នុងនោះនឹងត្រឡប់មកវិញនៅក្នុងទីក្រុងនេះ»។
អលចលនទ្រព្យក្នុងទីក្រុងឡុងបានទាក់ទាញផលប្រយោជន៍យ៉ាងធំពីអ្នកវិនិយោគថៃក្នុងរយៈពេលថ្មីៗនេះ។
លោកបានបញ្ជាក់ទៀតថា ទីផ្សារនេះមានការធ្លាក់ចុះបន្តិចបន្តួច ប៉ុន្តែមិនមានន័យថា តម្លៃរបស់វាធ្លាក់ចុះនោះទេ។ ការជះឥទ្ធិពលដ៏អវិជ្ជមានពីការចាកចេញរបស់អង់គ្លេសនេះនឹងធ្វើឱ្យប្រាក់ផោនធ្លាក់ចុះ ដែលនេះគឺជាឱកាសល្អសម្រាប់អ្នកទិញបរទេស។
លោក Nicholas Holt ប្រធានស្រាវជ្រាវតំបន់អាស៊ីប៉ាស៊ីហ្វិកបានមានប្រសាសន៍ថា ស្ថានភាពនេះនឹងស្រដៀងគ្នានឹងការបោះឆ្នោតជ្រើសរើសអភិបាលក្រុងឡុងដែរ ពោលគឺបានបង្អាក់សកម្មភាពទិញលក់អចលនទ្រព្យក្នុងមួយរយៈពេលនេះ។
លោក Holt បានមានប្រសាសន៍ថែមទៀតថា ប្រាក់ផោនប្រហែលជាធ្លាក់ចុះក្នុងចន្លោះពី ១៥ទៅ ២០ភាគរយ បន្ទាប់ពីការចាកចេញរបស់អង់គ្លេសពីសហគមន៍អឺរ៉ុបនេះ។
លោក Phanom បានមានប្រសាសន៍ថា ការធ្លាក់ចុះនៃប្រាក់ផោននឹងជំរុញឱ្យមានតម្រូវការចំពោះអចលនទ្រព្យនៅប្រទេសអង់គ្លេស ដែលនេះនឹងធ្វើឱ្យតម្លៃអចលនទ្រព្យទាំងនោះកើនឡើង។
លោកបានបញ្ជាក់ទៀតថា អចលនទ្រព្យអង់គ្លេសនឹងនៅតែទាក់ទាញអ្នកទិញដដែល។ តម្លៃនៅតំបន់កណ្តាលទីក្រុងឡុងត្រូវបានគេរំពឹងថានឹងកើនឡើងចន្លោះពី ១៩ទៅ២១ភាគរយពីឆ្នាំ២០១៦ រហូតដល់ ២០២០ ខណៈដែលតម្លៃជាយក្រុងនឹងកើនឡើង ១៨ទៅ២២ភាគរយ។
ប្រជាជនថៃបានទិញអចលនទ្រព្យនៅក្នុងប្រទេសអង់គ្លេសជាច្រើន ជាពិសេសនៅក្នុងទីក្រុងឡុង ដោយប្រហែលជា ៨០ភាគរយនៃពួកគេទិញដើម្បីឱ្យកូនរបស់ពួកគេស្នាក់នៅនិងរៀនសូត្រនៅទីនោះ។
ដោយយោងទៅតាមរបាយការណ៍របស់ក្រុមហ៊ុនអចលនទ្រព្យ Knight Frank បានឱ្យដឹងថា ការវិនិយោគរបស់ថៃនៅខាងក្រៅប្រទេសកើនឡើងដល់ចំនួន ៧៦ពាន់លានដុល្លារសហរដ្ឋអាមេរិកបើធៀបពីឆ្នាំ២០០៥ ទៅ ឆ្នាំ២០១៥។
កាលពីឆ្នាំមុន ស្ថាប័នវាយតម្លៃ Vancouver បានចាត់ថ្នាក់ទីក្រុងឡុង ជាទីក្រុងធំជាងគេ ដែលមានកំណើនសន្ទស្សន៍គេហដ្ឋានជាង ២៤,៥ភាគរយ បន្ទាប់មកគឺក្រុង Sydney ១៤,៨ភាគរយ និងទីក្រុង Istanbul ១៣,៥ភាគរយ ខណៈដែលទីក្រុងបាងកក និងទីក្រុង Phuket ស្ថិតក្នុងចំណាត់ថ្នាក់ទី១៥ និង២៥៕
ដោយ៖ រ័ត្ន
