ភ្នំពេញ៖ ស្រ្តីម្នាក់ត្រូវបានជនសង្ស័យមិនស្គាល់មុខបាញ់១គ្រាប់ចំកែងជើងខាងឆ្វេងបណ្ដាលឲ្យរងរបួស បង្កឲ្យមានការភ្ញាក់ផ្អើលកាលពីវេលាម៉ោង១១ និង១០នាទីយប់ ថ្ងៃទី៥ ខែកក្ដដា ឆ្នាំ២០១៦ នៅតាមបណ្ដោយផ្លូវបេតុងលេខ៤៣២បន្ទប់ផ្ទះជួលជាប់ជញ្ជាំងរោងចក្រដែកគោល ស្ថិតក្នុងក្រុមទី៦ ភូមិសន្សំកុសល៥ សង្កាត់បឹងទំពុន ខណ្ឌមានជ័យ។
បើតាមសម្ដីស្រ្តីរងគ្រោះបានឲ្យដឹងថាៈ មុនពេលកើតហេតុគាត់បានដើរមកហៅប្ដីរបស់គាត់ដែលកំពុងតែហូបស្រានៅបន្ទប់លេខ១Aនៅជិតខាងគ្នាអោយទៅហូបបាយស្រាប់តែលឺសូរ ដូចគេគប់ដុំថ្មមកត្រូវកែងជើងខាងឆ្វេងរបស់រួចហើយគាត់បានដួលទៅនិងដីតែម្ដងភ្លាមៗនោះត្រូវបានកូនដឹកទៅព្យាបាលនៅពេទ្យឯកជន។
ជនរងគ្រោះមានឈ្មោះប្រាក់សុខ ឃា អាយុ៥២ឆ្នាំ មុខរបរកម្មករោងចក្រស្នាក់នៅបន្ទប់ជួលលេខ៤Aមានប្ដីឈ្មោះ ធាន ធឿនអាយុ៥៥ ឆ្នាំមុខរបររត់ម៉ូតូឌុបស្នាក់នៅជាមួយគ្នា។ ក្រោយមកគេឃើញកម្លាំងសមត្ថកិច្ចមូលដ្ឋានបានចុះទៅដល់កន្លែងកើតហេតុធ្វើការស្រាវជ្រាវដើម្បីវែកមុខជនសង្ស័យ។
ក្រោយកើតហេតុជនរងគ្រោះបានទៅដាក់ពាក្យបណ្ដឹងនៅប៉ុសិ៍បឹងទំពុនដើម្បីឲ្យសមត្ថកិច្ចជួយវែកមុខជនសង្ស័យនិងចាប់មកផ្ដន្ទាទោតាមច្បាប់៕
ដោយ៖ ជីម ភារ៉ា ដង្កោ
