ខេត្តត្បូងឃ្មុំ៖ នៅវេលាម៉ោង ២១និង៣០នាទីថ្ងៃទី៦ កក្កដា ២០១៦ នៅចំណុចភូមិលេខ២ ឃុំគងជ័យ ស្រុកអូររាំងឪ កម្លាំងអធិការដ្ឋាននគរបាលស្រុកអូរាំងឪ បានធ្វើការត្រួតពិនិត្យលើរ៉ឺម៉កម៉ូតូជិះគ្នាចំនួន៣នាក់ ខណៈកម្លាំងសមត្ថកិច្ចត្រួតពិនិត្យលើជនសង្ស័យទាំង៣នាក់នោះ ក៏បានរត់គេចខ្លួនបាត់​ ហើយពួកគេបានបន្សល់ទុកនូវវត្ថុតាង ក្នុងនោះរកឃើញអាវុធម៉ាកK47 ផលិតនៅប្រទេសចិនចំនួន២ដើម បង់ចំនួន២ គ្រាប់ចំនួន ៣២គ្រាប់ ដោយច្រកក្នុងការ៉ុងនិងមានកន្ត្រៃកាត់ដែកចំនួន១ រួមជាមួយសម្ភារសំណង់ផ្សេងៗទៀត។

​បច្ចុប្បន្នសមត្ថកិច្ចនគរបាលកំពុងធ្វើការស្រាវជ្រាវជាបន្ត៕​

ដោយ៖​ វណ្ណះ