ខេត្តកំពត៖ នៅថ្ងៃទី៧ ខែកក្កដា ឆ្នាំ២០១៦ លោក សោម អូន ប្រធានNACC-CLUF និងជា អនុប្រធានCCNU បានដឹកនាំក្រុមការងារចុះធ្វើការសម្របសម្រួលជាមួយអាជ្ញាធរ និងតុលាការខេត្តកំពតដើម្បីស្នើសុំធានាដោះលែងមន្ត្រីសហព័ន្ឋចំនួន៣រូប ទី១ លោក យន់ សំបូរ សហព័ន្ឋពលកម្មកម្ពុជា ទី២ លោក មាស តូក មន្ត្រីសហព័ន្ឋសហជីពសេរីខ្មែរ និងទី៣ លោក សុខ សុីដែន សហព័ន្ឋសហជីពកម្មករកម្ពុជា ដែលត្រូវបានសមត្ថកិច្ចឃាត់ខ្លួននៅកំឡុងពេលធ្វើកូដកម្មរោងចក្រខេមបូនៅស្រុកកំពង់ត្រាច ខេត្តកំពត ។ បន្ទាប់ពីមានការសម្របសម្រួលមន្ត្រីអាជ្ញាធរ និងតុលាការបានឯកភាពដោះលែងអោយមន្ត្រីសហព័ន្ឋសហជីពទាំង៣រូបអោយមានសេរីភាពវិញ ។

លោក សោម អូន ក្នុងនាមក្រុមការងារ និងសមុីខ្លួនសូមអគុណដល់សមត្ថកិច្ចអាជ្ញាធរខេត្តកំពតនិងតុលាការខេត្តកំពត ដែលបានយោគយល់សម្របសម្រួលសហការល្អក្នុងការដោះស្រាយករណីខាងលើ ៕

ដោយ៖ សហការី