រដ្ឋមន្ត្រីក្រសួងចរាចរណ៍ម៉ាឡេស៊ីលោកAbdul Aziz Kaprawi បានបញ្ចាក់ថា បំណែកយន្តហោះដែលទើបតែរកឃើញនៅលើកោះReunion ក្នុងមហាសមុទ្រឥណ្ឌាគឺជាយន្តហោះMH 370 របស់ក្រុមហ៊ុនអាកាស់ចរណ៍ម៉ាឡេស៊ីដែលបានបាត់ខ្លួននាពេលកន្លងមក។
លោក Abdul Aziz Kaprawiបន្តទៀតថា តាមការប្រកាសរបស់ប្រធានក្រុមស្រាវជ្រាវបានឲ្យលោកដឹងថា « បំណែកទាំងនោះអាចជារបស់យន្តហោះប៊ូអិន៧៧៧ លេខហោះហើរMH 370 ស្ទើតែ១០០ភាគរយ»។ ក្នុងពេលជាមួយគ្នានោះមន្ត្រីអាមេរិកដែលមិនបញ្ចេញឈ្មោះបានឲ្យដឹងថា ក្រុមអ្នកស្រាវជ្រាវក៏មានជំនឿជឿជាក់ថា បំណែកយន្តហោះដែលទើបតែរកឃើញអាចជារបស់ក្រុមហ៊ុនអាកាសចរណ៍ម៉ាឡេសីុដែលបាត់ខ្លួនកាលពីថ្ងៃទី៨ខែមីនា។
តាមប្រសាសន៍លោក Abdul Aziz Kaprawi ក្រុមស្រាវជ្រាវរបស់ក្រុមហ៊ុនផលិតយន្តហោះប៊ូអិញក៏បានបញ្ចាក់ថាបំណែកដែលទើបតែរកឃើញនោះគឺជាស្លាបយន្តហោះរបស់ក្រុមហ៊ុននេះពិតមែន។
នៅក្នុងថ្ងៃទី៣០ខែកក្កដា រដ្ឋមន្ត្រីក្រសួងចរាចរណ៍ម៉ាឡេស៊ី លោកLiow Tiong Lai និងក្រុមហ៊ុនអាកាសចរណ៍ម៉ាឡេស៊ីុក៏បានបើកការស្រាវជ្រាវបញ្ចាក់ការពិតពីបំណែកយន្តហោះខាងលើ ហើយម៉ាឡេស៊ីុបានបញ្ចូនមនុស្សទៅកាន់តំបន់រកឃើញបំណែកនោះហើយដែរ។
កាលពីថ្ងៃទី២៩ខែកក្កដាកន្លងមកប៉ូលិសនៅកោះReunion ស្ថិតនៅក្នុងដែនអធិបតេយ្យរបស់បារាំងស្ថិតនៅមហាសមុទ្រឥណ្ឌាបញ្ចាក់ថា បានប្រទះឃើញបំណែកយន្តហោះនៅលើកោះនេះ មានចម្ងាយពីកន្លែងរករករាប់ពាន់គីឡូម៉ែត្រ។
យន្តហោះប៊ូអិញ៧៧៧ មានស្លាកលេខMH 370 របស់ក្រុមហ៊ុនអាកាសចរណ៍ម៉ាឡេស៊ីអ៊ែរឡាញបានបាត់ខ្លួនចេញពីប្រព័ន្ធរ៉ាដាកាលពីថ្ងៃទី៨មីនាដោយដឹងអ្នកដំណើរ២៣៩នាក់ ហោះហើរចេញពីទីក្រុងកូឡាឡំពួរទៅកាន់ទីក្រុងប៉េកាំង។ រយះពេលជាងមួយឆ្នាំសហគមន៍អន្តរជាតិដែលមានប្រទេសចូលរួមជួយរករហូតដល់ជាង៤០ប្រទេស និងផ្កាយរណបរាប់សិបគ្រឿងនៅតែមិនអាចរកឃើញតម្រុយណាមួយពីយន្តហោះបាត់ខ្លួននោះដែរ។
ជាមួយនិងព័ត៌មានខាងលើបានប្រកាសភ្លាមសាច់ញ្ញាត្តិអ្នកដំណើរនៅលើយន្តហោះនោះក៏បានស្រែកទ្រហោរយំសាជាថ្មី ដោយក្តីសង្ឃឹមអាចមានអភូតហេតុកើតឡើងត្រូវបានរលាយទាំងស្រុងទៅហើយ។ សាច់ញ្ញាត្តិអ្នកដំណើរជាច្រើនក៏បានទៅកាន់ទីតាំងក្រុមហ៊ុនអាកាសចរណ៍រងចាំស្តាប់ដំណឹង ថាតើនោះជាការពិតដែរឬទេ?៕
