ក្លិបបាល់ទាត់Roma នៅក្នុងក្របខ័ណ្ឌកំពូលរបស់អីុតាលីបានប្រកាសថាខ្លួនបានទិញអ្នកចាំទី អន្តរជាតិប្រេស៊ីល Alisson ពីក្រុម Internacional។

កីឡាករ Alissonបានសម្រេចចិត្តចុះហត្ថលេខាលើកិច្ចសន្យាដែលមានរយៈពេល ៥ឆ្នាំនិងតម្លៃខ្លួននៃការផ្ទេរ៨លានអឺរ៉ូ។ អ្នកចាំទីវ័យ២៣ឆ្នាំនេះបានបង្ហាញខ្លួនឲ្យក្រុមInternacionalចំនួន៨៣ប្រកួតជួយ ក្រុមនេះឈ្នះពានរង្វាន់Campeonato Gauchoចំនួន៤រដូវកាលជាប់គ្នាគិតចាប់តាំងពីឆ្នាំ២០១៣ដល់ ឆ្នាំ២០១៦។

ក្រោយពីបានបង្ហាញខ្លួនក្នុងឈុតធំរបស់ក្លិប Internacional កីឡាករ Alisson ក៏បានជាប់ជាជម្រើសដំបូងរបស់ក្រុមជម្រើស ជាតិប្រេស៊ីលផងដែរ។ រូបគាត់បានលេង ទាំង៣ប្រកួតនៅCopa America ឆ្នាំ ២០១៦នេះ ពេលប្រេស៊ីលធ្លាក់ចេញពី កម្មវិធីនៅវគ្គជម្រុះ៕

ដោយ៖ ដេវីត