ក្លិបបាល់ទាត់ Newcastle Unitedនៅ ក្នុងក្របខ័ណ្ឌអង់គ្លេសChampionshipបាន ឲ្យដឹងថា ខ្សែប្រយុទ្ធ Papiss Cisse បាន សម្រេចចិត្តចាកចេញទៅលេងឲ្យក្លិប Shandong Luneng ក្នុងក្របខ័ណ្ឌកំពូល របស់ចិនវិញ ។

ក្លិបទាំងពីរមិនបានបញ្ចេញឲ្យដឹងពី តម្លៃខ្លួនរបស់កីឡាករ Papiss Cisseនេះ។ Papiss Cisseបានផ្លាស់ចេញពីក្រុម Freiburg អាល្លឺម៉ង់មកកាន់ក្រុម Newcastle Unitedហើយលេងឲ្យក្រុមនេះអស់រយៈពេល៤ឆ្នាំ កន្លះ ស៊ុតបាល់បាន៤៤គ្រាប់ក្នុងចំណោម ១៣១ប្រកួត ។ ប៉ុន្តែក្នុងរដូវកាលចាស់ ដែលទើបតែកន្លងផុតទៅនេះគាត់ស៊ុត បាល់បានតែ៣គ្រាប់ប៉ុណ្ណោះក្នុងចំណោម២១ប្រកួតដែលមិនអាចជួយក្រុម Newcastle United ឲ្យនៅក្នុងក្របខ័ណ្ឌកំពូល របស់អង់គ្លេសទៀតបាន ។

កីឡាករPapiss Cisseបាននិយាយថា “ខ្ញុំសូមថ្លែងអំណរគុណយ៉ាងខ្លាំងចំពោះ អ្នកគាំទ្រក្លិបNewcastle United ។ ខ្ញុំមិន អាចបំភ្លេចពួកគេបានឡើយដរាបណាដែលខ្ញុំនៅមានជីវិតហើយខ្ញុំនឹងក្លាយទៅជាអ្នកគាំទ្រដ៏ធំរបស់ក្លិបនេះនៅថ្ងៃណាមួយ”៕

ដោយ៖ ដេវីត