ភ្នំពេញ ៈ ស្នូរកាំភ្លេីងចំនួន២គ្រាប់បានបន្លឺឡេីងដោយសារបុរស៣នាក់បានដកកាំភ្លេីងខ្លីចេញពីចង្កេះបាញ់ចំនួន២ គ្រាប់ផ្ទួនៗគ្នា បង្កការភ្ញាក់ដល់សមត្ថកិច្ចនិងប្រជាពលរដ្ឋ ប៉ុន្តែមិនដឹងមូលហេតុថាបណ្តាលមកពីមូលហេតុអ្វីនោះឡើយ ។ បន្ទាប់ពីបង្កការភ្ញាក់ផ្អើលរួចមកក្រុមជនទាំងនោះបាននាំគ្នាជិះម៉ូតូគេចខ្លួនបាត់តែម្តង ។ ហេតុការណ៍នេះបានកេីតឡេីងកាលពីវេលាម៉ោង១០យប់ថ្ងៃទី១១ ខែកក្កដា ឆ្នាំ២០១៦នៅត្រង់ចំណុច ជាប់នឹងរបងសារៈមន្ទីរ តាមបណ្តោយផ្លូវលេខ១៧៨ ស្ថិតក្នុងសង្កាត់ជ័យជំនះ ខណ្ឌដូនពេញ ។ ប្រភពព័ត៌មានពីកន្លែងកេីតហេតុបានអោយដឹងថា នៅមុនពេលកេីតហេតុគេបានឃេីញបុរស៣ នាក់ជិះម៉ូតូម៉ាក PCX ពណ៌ស មិនចាំស្លាកលេខ ជិះឌុបគ្នា៣នាក់តាមបណ្តោយលេខ១៧៨ ទិសដៅពីលិចទៅកេីត មួយសន្ទុះក្រោយមកបានជិះត្រឡប់មកវិញ ហេីយបានដកកាំភ្លេីងខ្លីចេញពីចង្កេះបាញ់ឡេីងលេី២គ្រាប់បង្កការភ្ញាក់ រួចក៏ជិះគេចខ្លួនបាត់ស្រមោលតែម្តងទៅ ។ ក្រោយកេីតហេតុកម្លាំងកងរាជអាវុធហត្ថបានមកពិនិត្យដល់កន្លែងកេីតហេតុរកឃេីញសំបកកាទុស១គ្រាប់ ដោយមិនឃេីញមានវត្តមានសមត្ថកិច្ចមូលដ្ឋាននោះទេ។
បច្ចុប្បន្នកម្លាំងកងរាជអាវុធហត្ថខណ្ឌដូនពេញបានរើសយកសំបកគ្រាប់ទៅពិនិត្យនិងធ្វើកោសលវិច្ច័យដើម្បីងាយស្រួលក្នុងការតាមចាប់ខ្លួនជនបង្កយកមកផ្តន្ទាទោសអោយបានផងដែរ៕

ដោយៈព្រែកជ័យ