ខ្សែប្រយុទ្ធអន្តរជាតិបារាំង Antoine Griezmann បានជាប់ជាកីឡាករលេងល្អ បំផុតនៅក្នុងកម្មវិធីពានរង្វាន់ទ្វីបអឺរ៉ុប ឆ្នាំ២០១៦ ។

កីឡាករវ័យ២៥ឆ្នាំរូបនេះត្រូវបាន ប្រកាសជាកីឡាករលេងល្អបំផុតនៅយូរ៉ូឆ្នាំ២០១៦ដោយសហព័ន្ធបាល់ទាត់ទ្វីបអឺរ៉ុប (UEFA)បន្ទាប់ពីមានការបោះឆ្នោតពី សំណាក់អ្នកអង្កេតផ្នែកបច្ចេកទេសបាល់ទាត់រួមទាំងអតីតគ្រូបង្វឹកក្រុមបិសាច ក្រហម Manchester United ទាំងពីរ រូបគឺលោក Alex Ferguson និង David Moyes ។

Griezmann ក៏បានឈ្នះពានរង្វាន់ស្បែកជើងមាសប្រចាំកម្មវិធីយូរ៉ូឆ្នាំ២០១៦នេះ ផងដែរក្រោយស៊ុតបាល់បាន៦គ្រាប់។ ប៉ុន្តែរូបគេមិនអាចស៊ុតបាល់បានឡើយ ក្នុងពេលប្រកួតវគ្គផ្តាច់ព្រ័ត្រពេលប៉ះក្រុមព័រទុយហ្គាល់ ហើយជម្រើសជាតិបារាំង ថែមទាំងប្រកួតចាញ់ព័រទុយហ្គាល់ថែមទៀតផង ៕

ដោយ៖ ដេវីត