ក្លិបបាល់ទាត់មាន់ខ្នាយមាស Tottenham បានទិញខ្សែប្រយុទ្ធសញ្ជាតិហុល្លង់ Vincent Janssen ពីក្រុម AZ Alkmaar ក្នុងតម្លៃខ្លួន ១៧លានផោន ។
ខ្សែប្រយុទ្ធវ័យ២២ឆ្នាំរូបនេះបានយល់ព្រមចុះហត្ថលេខាលេងឲ្យក្រុមមាន់ខ្នាយមាសរយៈពេល៤ឆ្នាំ ។ គាត់ស៊ុតបាល់បាន ២៧គ្រាប់ឲ្យក្រុម AZ Alkmaar កាលពីពីរដូវកាលចាស់ដែលជាគ្រាប់បាល់ច្រើនជាង គេបំផុតនៅក្នុងក្របខ័ណ្ឌកំពូលរបស់ ប្រទេសហុល្លង់ ។
Vincent Janssen គឺជាកីឡាករទី២ ដែលក្លិបមាន់ខ្នាយមាសបានទិញសម្រាប់រដូវកាលថ្មីបន្ទាប់ពីពួកគេបានទិញខ្សែ បម្រើ Victor Wanyama ពីក្លិប Southampton ក្នុងតម្លៃខ្លួន១១លានផោន។ នៅពេលជាមួយគ្នានេះក៏មានក្រុមជើងឯកបារាំង Paris St-Germain និងក្លិបអាល្លឺម៉ង់ Wolfsburg បានបង្ហាញការចាប់អារម្មណ៍ទៅ លើ Vincent Janssen ផងដែរ ។
កីឡាករ Janssen បានថ្លែងនៅក្នុង គេហទំព័រផ្លូវការរបស់ក្លិប AZ Alkmaar ថា “ខ្ញុំពិតជាសប្បាយចិត្តខ្លាំងណាស់ដែលបានបោះជំហានទៅកាន់ក្លិប Tottenham Hotspur។
ខ្ញុំរីករាយពេលបានទទួលកិច្ចព្រម ព្រៀងនេះ។ ខ្ញុំនឹងមានឱកាសលេងនៅ ក្នុងក្របខ័ណ្ឌ Champions League នៅ រដូវកាលក្រោយ” ៕
ដោយ៖ ដេវីត
