មណ្ឌលគិរី=ស្នងការនគរបាលខេត្តមណ្ឌលគិរី លោកឧត្តមសេនីយ៍ត្រី ញ៉ែម វ៉ាន់នីបានឲ្យដឹងថារថយន្តសាំយ៉ុង២គ្រឿងដឺកសម្ភារះជាម៉្សៅសៗ រួមនិងមនុស្សចំនួន៧នាក់ត្រូវបាននគរបាលអធិការស្រុកកោះញែកចាប់ឃាត់កាលពីវេលាម៉ោង៣និង៤៥នាទីធៀបភ្លឺថ្ងៃទី៣០កក្កដា២០១៥រួចបញ្ជូនយកមកស្នងការដ្ឋាននគរបាលខេត្តដើម្បីសាកសួនិងត្រួតពិនិត្យ ដែលគេសង្ស័យថាជា រំសាវសម្រាប់ផ្សំបំផ្ទុក។
សមត្ថកិច្ចនគរបាល បានអោយដឹងថារថយន្ត២គ្រឿងផ្ទុកសម្ភារះ៣មុខដែលគេសង្ស័យថាជាសាធាតុផ្សំ(រំសេវផ្ទុះ) ពិតមែន ហើយសារធាតុទាំងនោះមានចំនួន២៦៧បេ ដែលស្មើរនិង៦៦៧៥គីឡូក្រាម និងបានឃាត់ខ្លួនមនុស្ស៧នាក់រួមមាន ០១ ឈ្មោះ ស៊ិវ ហ្វេ អាយុ៣៩ឆ្នាំ ជនជាតិចិន ទី០២ឈ្មោះសេង ហុង ២៧ឆ្នាំ ខ្មែរ ជាអ្នកបកប្រែ ទី០៣ តុង សៅ ខ្មែរ ជាម្ចាស់រថយន្ត ទី០៤ ស៊ាន ជាង ភេទប្រុសអាយុ៣៥ឆ្នាំជនជាតិខ្មែរអ្នកបើកបរ ទី០៥ ឆុន ឈាង ភេទប្រុស ភេទប្រុ អាយុ៣៥ឆ្នាំអ្នកបើកបរ ទី០៦ ឈ្មោះជា ជាង ភេទប្រុសអាយុ២៨ឆ្នាំ ជាព្រូឡាន និងទី០៧ឈ្មោះ ហាក់ មករា ភេទប្រុស អាយុ៣១ឆ្នាំជាព្រូឡាន។ បើតាមអ្នកបកប្រែឲ្យជនជាតិចិនឈ្មោះ សេងហុងបានឲ្យដឹងថាទំនិញដែលសមត្ថកិច្ចចាប់ នោះមានចំនួន២៦៧បេស្មើរ៦៦៧៥គីឡូក្រាម មានឈ្មោះ ជីងឆាន់ជាម្ស៉ៅពណ៌សនិងសូដារួមនិងខ្យូងដូង ជារបស់ក្រុមហ៊ុនអូរ៉ង់ ដើម្បីយកទៅឲ្យឈ្មោះស៊ុន អ្នកគ្រប់គ្រងក្រុមហ៊ុនរ៉ែដែកនៅ ស្រុក រវៀង ខេត្តព្រះវិហារ ធ្វើការពិសោធន៍ រ៉ែមាស.រ៉ែដែក.រ៉ែស្ពាន់ ហើយនៅសម្បកបេមានឈ្មោះក្រុមហ៊ុន និងបានបញ្ជាក់ថាសម្ភារះទាំងអស់នេះមិនមានការឆាបឆេះ ជាតិផ្ទុះ និងមិនប៉ះពាល់បរិស្ថានផងដែរ។
បច្ចុប្បន្នរថយន្តរួមនិងសម្ភារះដែលសង្ស័យនិងមនុស្សសមត្ថកិច្ចនគរបាលជំនាញកំពុងសាកសួរនិងពិនិត្យថា សម្ភារះទាំងនោះជាសាធាតុផ្សំបំផ្ទុះមែនដូចដែលគេសង្ស័យនោះដែរឬទេ ?ហើយការដឹកជញ្ជូនមានច្បាប់អនុញាត្តិត្រឹមត្រូវពីក្រុមហ៊ុនណា៕ដោយ=ឦសាន
