ភ្នំពេញ៖ សាលាឧទ្ធរណ៍ នៅព្រឹកថ្ងៃទី២១ខែកក្កដា នេះបានបើកសវនាការជំនុំជម្រះរឿងក្តីនិស្សិតឆ្នាំទី១ផ្នែកវិទ្យាសាស្ត្រនយោបាយនៃសាកលវិទ្យាល័យខេមរៈពាក់ព័ន្ធរឿងប្រកាសធ្វើបដិវត្តន៍ពណ៌តាមបណ្ដាញសង្គមហ្វេសប៊ុក ។

កាលនៅតុលាការថ្នាក់ក្រោម យុវជន គង់ រ៉ៃយ៉ា បានទទួលស្គាល់កំហុសដែលបានអំពាវនាវធ្វើបដិវត្តន៍ពណ៌ប្រឆាំងរាជរដ្ឋាភិបាលនៅលើបណ្តាញទំនាក់ទំនងសង្គមហ្វេសប៊ុក ។

យុវជន គង់ រ៉ៃយ៉ា ត្រូវបានចៅក្រមសាលាដំបូងរាជធានីភ្នំពេញ លោក ហេង សុខណា ប្រកាសសាលក្រមកាលពីរសៀលថ្ងៃទី១៥ ខែមីនា ឆ្នាំ២០១៦ កន្លងទៅផ្តន្ទាទោស១ឆ្នាំ៦ខែ ដោយគ្មានពិន័យជាប្រាក់ឬព្យួរទោសឡើយ៕

ដោយ៖ សហការី