ភ្នំពេញ៖ ឡាំប្រឺតាមួយគ្រឿងខណៈកំពុងបេីកបរសុខបត់ភ្លាមដោយមិនបានស៉ីញ៉ូត្រូវយុវជន២នាក់ជិះម៉ូតូឌុបគ្នាមកពីក្រោយចាប់ហ្វ្រាំងមិនទាន់ជ្រុលបុកបណ្តាលឱ្យបាក់ជេីងទាំង២នាក់ហេីយឡាំប្រឺាគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង៤និង១០នាទី រសៀលថ្ងៃទី២៩ ខែមេសា ឆ្នាំ២០២៤ នៅចំណុចលិចស្ពានអាសកប់ស្រូវ តាមបណ្តោយផ្លូវជាតិលេខ៤ ភូមិព្រៃស្វាយ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញឡាំងប្រឺតាមួយគ្រឿងមិនចាំស្លាកលេខធ្វេីដំណេីរតាមបណ្តោយផ្លូវជាតិលេខ៤ ទិសដៅពីកេីតទៅលិចខណៈមកដល់ចំណុចកេីតហេតុស្រាប់តែបត់ឆ្វេងភ្លាមដោយមិនបានស៉ីញ៉ូភ្លាមនោះស្រាប់តែមានយុវជនពីរនាក់ជិះម៉ូតូម៉ាកគុបជ្រុងពណ៌ទឹកប្រាក់ ពាក់ស្លាកលេខភ្នំពេញ1 AW4263 បេីកបរដោយឈ្មោះ លីសុវណ្ណារ៉ា ភេទប្រុសអាយុ១៤ឆ្នាំ ជាសិស្ស រួមដំណេីរជាមួយឈ្មោះសុខសុវណ្ណារិទ្ធ អាយុ១៤ឆ្នាំ ជាសិស្ស ស្នាក់នៅម្តុំផ្សារកាណាស៉ីធី សង្កាត់ចោមចៅទី២ ខណ្ឌពោធិ៍សែនជ័យ បេីកបរមកពីក្រោយចាប់ហ្វ្រាំងមិនទាន់ក៏ជ្រុលបុកពេញទំហឹងបណ្តាលឱ្យបាក់ជេីងឆ្វេងទាំងពីរនាក់។ បន្ទាប់មកឡាំប្រឺតាក៏បេីកគេចខ្លួនបាត់ទៅ។
ក្រោយកេីតហេតុជនរងគ្រោះត្រូវបានបញ្ជូនទៅមន្ទីរពេទ្យគុន្ធបុប្ផាដេីម្បីសង្គ្រោះ៕ដោយ៖សុខាសែនជ័យ
