ភ្នំពេញ៖ នៅថ្ងៃទី២៧ ខែកក្កដា ឆ្នាំ២០១៦ ក្រសួងពាណិជ្ជកម្ម បានរៀបចំពិធីចុះហត្ថលេខាលើអនុស្សរណៈនៃការយោគយល់គ្នា ក្នុងការបង្កើតផ្សារគំរូនៅព្រំដែនកម្ពុជា រវាងក្រសួងពាណិជ្ជកម្មនៃព្រះរាជាណាចក្រកម្ពុជា និងក្រសួងឧស្សាហកម្ម និងពាណិជ្ជកម្មនៃសាធារណរដ្ឋសង្គមនិយមវៀតណាម។

កម្ពុជា និងវៀតណាម ក្រោមកិច្ចព្រមព្រៀងសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកវិទ្យា បានព្រមព្រៀងបង្កើតផ្សារគំរូមួយនៅក្នុងតំបន់សេដ្ឋកិច្ចពិសេស ថារីត្បូងឃ្មុំ ដែលមានទីតាំងនៅឃុំដារ ស្រុកមេមត់ ខេត្តត្បូងឃ្មុំ ដោយការសាងសង់ផ្សារគំរូនេះមានទឹកប្រាក់ប្រមាណ ៤៤.៧៦១លានដុង (ប្រមាណ ២លានដុល្លាអាមេរិក) ជាទឹកប្រាក់ជំនួយឥតសំណងរបស់សាធារណរដ្ឋសង្គមនិយមវៀតណាម។

ដោយ៖ សីលា