សារព័ត៌មានAFP បានផ្សព្វផ្សាយកាលពីថ្ងៃទី៣១ខែកក្កដានេះថា មន្ត្រីអូស្ត្រាលីប្រកាសថា ពួគគាត់កាន់តែប្រាកដថាបំណែកយន្តហោះដែលទើបតែរកឃើញនៅលើកោះ Reunion របស់បារាំងស្ថិតនៅមហាសមុទ្រឥណ្ឌាគឺពិតជាយន្តហោះ ម៉ាឡេស៊ីដែលបាត់ខ្លួនកាលពីថ្ងៃទី៨មីនាឆ្នាំ២០១៤។
លោកMartin Dolan ប្រធានការិយាល័យ សុវត្ថិភាពចរាចរណ៍នៅដែនសមុទ្ររបស់អូស្ត្រាលីបានបញ្ចាក់ថា«យើងកាន់តែប្រាកដថាបំណែកទាំងនោះគឺជារបស់ក្រុមហ៊នអាកាសចរណ៍ម៉ាឡេស៊ីMH 370។ យើងកំពុងតែសហការជាមួយអ្នកឯកទេសបារាំងនិងម៉ាឡេស៊ីក្នុងការវិភាគបំណែកយន្តហោះទាំងនោះ។ នៅពេលនេះយើងមិនទាន់ប្រកាសជាផ្លូវការ ប៉ុន្តែនៅក្នុងរយះពេល២៤ម៉ោងខាងមុខយើងនិងប្រកាសពីលទ្ធផលចុងក្រោយថាពិតជារបស់ក្រុមហ៊ុនម៉ាឡេស៊ីដែរឬទេ?»។ ក្នុងថ្ងៃជាមួយគ្នានោះ លោកDolan ក៏បាន ច្រើនចោលព័ត៌មានថា ដែលគេរកឃើញកាលពីថ្ងៃទី៣០ខែកក្កដាគឺជារបស់អ្នកដំណើរនៅលើយន្តហោះMH 370។ លោកបន្តទៀតថាយើងមិនទាន់មានហេតុផលច្បាស់លាស់ក្នុងការបញ្ចាក់ថានោះជាវ៉ាលីរបស់MH 370។
ទទឹមនិងនោះបំណែកយន្តហោះដែលអណ្តែតនៅក្បែកោះReunion ដែលគេបានរកឃើញគឺសមស្រប់ទៅនិងបំណែកដែលរកឃើញនៅលើកោះ។ សកម្មភាពរុសករកកំពុងធ្វើឡើងនៅជុំវិញតំបន់ដែលរកឃើញបំណែកខាងលើ៕
