ភ្នំពេញ ៖ យោងតាមរបាយការណ៍របស់ស្នងការនគរបាលរាជធានីភ្នំពេញនាព្រឹកថ្ងៃទី៩ ខែសីហា ឆ្នាំ២០២៤បានឲ្យដឹងថានដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី០៨ ខែសីហា ឆ្នាំ២០២៤ វេលាម៉ោង០៣:០០នាទីទាបភ្លឺ កម្លាំងអធិការដ្ឋាននគរបាលខណ្ឌជ្រោយចង្វារ ដឹកនាំដោយលោកវរសេនីយ៍ឯក លៀក ចាន់រាបសា អធិការនគរបាលខណ្ឌជ្រោយចង្វា បានឃាត់ខ្លួនក្រុមក្មេងទំនើង កំពុងបង្ហោះម៉ូតូតាមផ្លូវសាធារណ: ស្ថិតនៅលើផ្លូវបេតុងស៊ូកាណូ២ ភូមិព្រែកតាសេក សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ ដោយបានឃាត់ខ្លួនចំនួន១២នាក់ និង ម៉ូតូ ចំនួន០៥គ្រឿង។
១-ឈ្មោះ អ៊ូ រ៉េនជូ ស្នាក់នៅ ផ្ទះជួល សង្កាត់គោករការ ខណ្ឌព្រែកព្នៅ មុខរបរ សិស្ស។
២-ឈ្មោះ រិទ្ធ ឆៃយ៉ា ស្នាក់នៅ ផ្ទះលេខ៥២ សង្កាត់ខ្មែរលើ ខណ្ឌព្រែកព្នៅ មុខរបរ សិស្ស។
៣-ឈ្មោះ ស៊ុន សុភក្រ្តា ស្នាក់នៅ ភូមិអណ្តូង៣ សង្កាត់គោករកា ខណ្ឌសែនសុខ មុខរបរ សិស្ស។
៤-ឈ្មោះ ស៊ីម ផល្លីស ស្នាក់នៅ ស្រុក កងពិសី ខេត្តកំពង់ស្ពឺ មុខរបរ ចុងភៅ។
៥-ឈ្មោះ ស៊ិន ពេជ្រ ឧត្តម ស្នាក់នៅ សង្កាត់ទឹកល្អក់៣ ខណ្ឌទួលគោក មុខរបរ សិស្ស។
៦-ឈ្មោះ ជា សុខវី ស្នាក់នៅ សង្កាត់បឹងសាឡាង ខណ្ឌទួលគោក មុខរបរ លក់ដូរ។
៧-ឈ្មោះ ណា វ៉ាន ស្នាក់នៅ សង្កាត់ពូទី ស្រុកស៊ីធរកណ្តាល ខេត្តព្រៃវែង មុខរបរ លក់ដូរ។
៨-ឈ្មោះ វណ្ណា ដាវីត ស្នាក់នៅ សង្កាត់ព្រែកព្នៅ ខណ្ឌឬស្សីកែវ មុខរបរ នៅផ្ទះ។
៩-ឈ្មោះ មុនី ឬទ្ធីរាជ ស្នាក់នៅភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ មុខរបរ សិស្ស។
១០-ឈ្មោះ វ៉ាន់ ហុកឡេង ស្នាក់នៅ ភូមិទួលទ្រា ឃុំជប់ ស្រុកត្បូងឃ្មុំ ខេត្តត្បូងឃ្មុំ មុខរបរ សិស្ស។
១១-ឈ្មោះ គង់ សម្បត្តិ ស្នាក់នៅ ភូមិលូ សង្កាត់ស្វាយប៉ាក់ ខណ្ឌឬស្សីកែវ មុខរបរ លក់ដូរ។
១២-ឈ្មោះ យ៉ាំង រតន:សំបូ ស្នាក់នៅ ភូមិសាមគ្គី សង្កាត់ឬស្សីកែវ ខណ្ឌឬស្សីកែវ មុខរបរ នៅផ្ទះ។
វត្ថុតាងចាប់យក៖ ម៉ូតូចំនួន០៥គ្រឿង (ម៉ូតូម៉ាកហុងដាសេ១២៥ សេរីឆ្នាំ២០២២ ពណ៌ខ្មៅ, ម៉ូតូម៉ាកហុងដា សេ១២៥ សេរីឆ្នាំ២០២២ ពណ៌ខ្មៅ, ម៉ូតូម៉ាកនិច ពណ៌ ស ខៀវ, ម៉ូតូម៉ាកនិច ពណ៍ ស ខៀវ, ម៉ូតូហុងដាសេរីចាស់មិនច្បាស់សេរីឆ្នាំមិនមានខោអាវ មានតែតួម៉ូតូ។
បច្ចុប្បន្នម៉ូតូខាងលើសមត្ថកិច្ចបានដកហូតរក្សាទុកជាបណ្ដោះអាសន្នរយៈពេល ៣ខែ៕ជ្រោយពេជ្រ
