ភ្នំពេញ ៖ក្នុងឱកាសដែលប្រជាពលរដ្ឋកម្ពុជា ជាពុទ្ធសាសនិកជនកំពុងចូលរួមរីករាយ ប្រកបដោយសទ្ធាជ្រះថ្លា នាំយកនូវទេយ្យទានគ្រឿងឧបភោគបរិភោគ ទៅវេរប្រគេនព្រះ សង្ឃនៅគ្រប់ទីអារាមទូទាំងប្រទេស ដើម្បីឧបត្ថម្ភព្រះសង្ឃក្នុងរដូវកាលចូលកាន់ព្រះ វស្សា នៅរសៀលថ្ងៃ១រោច ខែអាសាធឆ្នាំមមែ សប្តស័ក ពុទ្ធសករាជ២៥៥៩ ត្រូវ និងថ្ងៃ ទី៣១ ខែកក្កដាឆ្នាំ២០១៥ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិ ព្រឹទ្ធបណ្ឌិត មហាឯបាសិកា ប៊ុន ស៊ាងលី មាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញនាំយកទៀនវស្សាប្រេងវស្សារួមទាំងគ្រឿងឧបភោគបរិភោគ ភេសជ្ជៈ វេរប្រគេនសម្តេចព្រះពោធិវង្ស អំ លឹម ហេង ព្រះសង្ឃនាយកទី២ នៃព្រះរាជា ណាចក្រកម្ពុជា និងជាព្រះចៅអធិការវត្តមុនីសុវណ្ណ (ចំពុះក្អែក) និងព្រះថេរានុត្ថេរៈគ្រប់ព្រះអង្គ ដែលគង់ចាំព្រះវស្សាក្នុងពុទ្ធសីមាវត្តមុនីសុវណ្ណ ស្ថិតក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
ពិធីដ៏មានអត្ថន័យនោះក៏មានការអញ្ជើញចូលរួមពីលោក លោកស្រីជាឥស្សរ ជនជាន់ខ្ពស់តំណាងគ្រប់ស្ថាប័នរបស់ព្រះរាជាណាចក្រកម្ពុជា ព្រមទាំងវត្តមានអស់ លោក លោកស្រីជាពុទ្ធបរិស័ទចំណុះជើងវត្តជាច្រើនរូប។
នៅលើមហាកុដិនៃវត្តមុនីសុវណ្ណ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត មហាឧបាសិកា ប៊ុន ស៊ាងលី បានបូជាទៀនធូប និងថ្វាយនូវគុន្ធពិដោ ចំពោះព្រះពុទ្ធបដិមាស្នងព្រះសម្មាសម្ពុទ្ធ ជាកិច្ចរំឭកដល់គុណព្រះរតនត្រ័យ តាមប្រពៃណីព្រះពុទ្ធសាសនាដ៏រុងរឿងនៃយើង ពិសេសរំឭកដល់គុណបុណ្យនៃព្រះ សម្មាសម្ពុទ្ធព្រះបរមគ្រូ ដែលព្រះអង្គបានត្រាស់ដឹងនូវអនុត្តរៈសម្មាសម្ពោធិញាណ និង ព្រះធម្មវិន័យដ៏វិសេសវិសាលបន្សល់ទុកឲ្យមនុស្សជំនាន់ក្រោយ ដែលជាពុទ្ធសាសនិក ជនគោរពប្រតិបត្តិជារៀងដរាប រហូតមកដល់បច្ចុប្បន្ន។
បន្ទាប់អំពីបទនមសិការសាទានសិល៍ ថ្វាយបង្គំព្រះពុទ្ធរូប និងថ្វាយបង្គំព្រះសង្ឃ តាមគន្លងប្រពៃណីព្រះពុទ្ធសាសនារួចមក សម្តេចតេជោ និងសម្តេចកិត្តិព្រឹទ្ធបណ្ឌិត ព្រម ទាំងលោក លោកស្រីជាពុទ្ធបរិស័ទទាំងអស់បានវេរទៀនវស្សា ប្រេងវស្សា គ្រឿងឧបភោគ បរិភោគ ភេសជ្ជៈ និងគ្រឿងបរិក្ខារអមប្រគេនសម្តេចព្រះពោធិវង្ស អំ លឹម ហេង ព្រះថេរានុត្ថេរៈគ្រប់ព្រះអង្គ ព្រមទាំងបានបរណាចតុបច្ច័យប្រគេនព្រះសង្ឃគ្រប់ អង្គ និងបានប្រគេនថវិកាបានមកពីសទ្ធាជ្រះថ្លារបស់លោក លោកស្រី ជាពុទ្ធបរិ ស័ទចូលរួមចាប់មគ្គផល ក្នុងឱកាសនៃថ្ងៃចូលព្រះវស្សានេះតម្កល់ទុកប្រើប្រាស់ក្នុង វិស័យព្រះពុទ្ធសាសនា។
សម្តេចព្រះពោធិវង្ស និងព្រះថេរានុត្ថរៈគ្រប់ព្រះអង្គបានសូត្រពហុទេវាទទួល នូវទៀនវស្សា ប្រេងវស្សា គ្រឿងឧបភោគបរិភោគ ភេសជ្ជៈ និងបច្ច័យដែលសម្តេចអគ្គ តេជោ សម្តេចកិត្តិព្រឹទ្ធបណ្ឌិត និងក្រុមគ្រួសារ ព្រមទាំងលោក លោកស្រីជាពុទ្ធ សាសនិកជនវេរប្រគេនក្នុងថ្ងៃចូលព្រះវស្សានេះរួចមក សម្តេច និងសម្តេចកិត្តិព្រឹទ្ធ ព្រម ទាំងលោក លោកស្រីទាំងអស់ដែលមានវត្តមានក្នុងពិធីដ៏មានអត្ថន័យនោះបាន អញ្ជើញអុជទៀនវស្សានៅក្នុងមហាកុដិ ជាកិច្ចចាប់ផ្តើមរដូវកាលចូលវស្សារយៈពេល ៣ខែ ដោយចាប់ផ្តើមពីថ្ងៃ១រោចខែអាសាឍ រហូតដល់ថ្ងៃ១៥កើតខែអស្សុច។
តាមពុទ្ធបញ្ញតិរបស់ព្រះសម្មាសម្ពុទ្ធព្រះបរបគ្រូនៃយើង បានត្រាស់ថា ដោយសារ តែរដូវកាលនេះ មានភ្លៀងធ្លាក់ជោគជាំព្រះសង្ឃមានការលំបាក ក្នុងការនិមន្តទៅកាន់ ទីឆ្ងាយៗបាន ទើបព្រះអង្គទ្រង់ពុទ្ធានុញ្ញាតឱ្យព្រះសង្ឃគ្រប់អង្គគង់ចាំព្រះវស្សា ក្នុងរយៈ ពេល៣ខែស្មើ និង១ត្រីមាស ពោលគឺចាប់ តាំងពីថ្ងៃ១រោចខែអាសាឍ រហូតដល់ថ្ងៃ១៥ កើតខែអផ្សុចជារៀងរាល់ឆ្នាំ ។ ក្នុងរដូវកាលចូលវស្សា ព្រះសង្ឃគ្រប់អង្គពុំអាចនិមន្តទៅ កាន់ទីឆ្ងាយចោលទីអារាមបានឡើយ ត្រូវតែគង់សិក្សារៀនធម៌វិន័យផ្សេងៗរបស់ព្រះ សម្មាសម្ពុទ្ធ៕
