ភ្នំពេញ៖ នៅវេលាម៉ោង១២ និង១០នាទីយប់រំលងអាធ្រាត្រឈានចូលថ្ងៃទី១៣ ខែសីហា ឆ្នាំ២០១៦ កម្លាំងល្បាតអាវុធហត្ថខណ្ឌមានជ័យដែលកំពុងបំពេញបេសកម្មតាមដងផ្លូវមិនទាន់បានចូលសម្រាកនៅឡើយ ក៏ចុះល្បាតបានឃាត់ខ្លួនជនសង្ស័យ០៤នាក់ ពាក់ព័ន្ធករណីគ្រឿងញៀន។

ការឃាត់ខ្លួនធ្វើឡើងនៅចំណុចក្រុម០៧ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ និងចាប់យកវត្ថុតាងបានម្សៅក្រាមពណ៌សថ្លា៩ កញ្ចប់ធំល្មម និងក្រដាស់ប្រាក់ក្លែងក្លាយ១០០ដុល្លារ ១៥ សន្លឹក ស្មើនឹង ១៥០០ ដុល្លារ, ក្រដាស់ប្រាក់១០ដុល្លារ ១១សន្លឹក ស្មើនឹង១១០ដុល្លារ, ក្រដាស់ប្រាក់ ៥ ដុល្លារ៦ សន្លឹក ស្មើនឹង ៣០ដុល្លារ៕

ដោយ៖ សហការី