ខេត្តកំពង់ធំ៖ រថយន្ដយីឌុបម៉ាក ហ៊ីយ៉ាន់ដាយភ្លៅ៥ដឹកចំនៀរឈើបាន ក្រឡាប់ផ្ងារជើងនៅចំណុចច្រកចូលផ្លូវ វាងក្រុង ឋិតនៅក្នុងភូមិធនម៉ូង ឃុំបល្ល័ង្ក ស្រុកបារាយណ៍ ខេត្តកំពង់ធំ កាលពីវេលា ម៉ោង២រំលងអធ្រាត្រឈានចូលថ្ងៃទី១៤ ខែសីហា ឆ្នាំ២០១៦ ។ សមត្ថកិច្ចបានឲ្យ ដឹងថា ឈើនៅលើរថយន្តដែលក្រឡាប់មិនមែនចំនៀរឈើសុទ្ធនោះទេ គឺគេយកដើមឈើមកពុះជា២ហើយបន្លំជាមួយចំនៀរឈើប៉ុណ្ណោះ ។

រថយន្ដលួចដឹកឈើបន្លំក្នុងចំនៀរឈើនេះពាក់ស្លាកលេខព្រះសីហនុ 3A2754 ពណ៌ខៀវ ហើយក្រោយពីរើឈើម្ចាស់ឈើបានយករថយន្ដមកដឹកនិងស្ទូចយក ទៅដោយរលូនភាពមិនរំខានដល់សមត្ថ កិច្ចនគរបាលចរាចរនិងមន្រ្ដីរដ្ឋបាលព្រៃឈើខណៈមានប្រជាពលរដ្ឋលើកឡើងថា ឲ្យមន្ត្រីទាំងនោះរវល់យ៉ាងម៉េចបើគេបង់ លុយឲ្យ ៕

ដោយ៖ ប៊ុន រិទ្ធី