ភ្នំពេញ: បុរសម្នាក់ជិះម៉ូតូលឿនជ្រុលទៅបុកជាមួយខឿនបង្កាន់ដៃស្ពានបណ្ដាលឲ្យស្លាប់ភ្លាមៗនៅកន្លែងកើតហេតុហេតុការណ៍ខាងលើនេះដែរបានកើតឡើងនៅវេលាម៉ោង១និង៤៥នាទីរំលងអាធ្រាត្រឈានចូលថ្ងៃទី១៧ ខែមករា ឆ្នាំ២០២៥ ស្ថិតនៅតាមបណ្ដោយផ្លូវជាតិលេខ៣ ត្រង់ចំណុចស្ពាន៧មករា កំពង់ទួល ភូមិភូមិទឹកថ្លាសង្កាត់ក្រាំងពង្រ ខណ្ឌដង្កោ រាជធានីភ្នំពេញ។
សមត្ថកិច្ចបានឲ្យដឹងថា សពរងគ្រោះឈ្មោះ អ៊ុន ចាន់ដាណា អាយុ៣៩ ឆ្នាំមានទីកំណើត នៅសង្កាត់វត្តភ្នំ ខណ្ឌដូនពេញ។ បច្ចុប្បន្នរស់នៅ ភូមិពោធិដុះ ឃុំបឹងនិមល ស្រុកឈូក ខេត្តកំពត ។
ប្រភពព័ត៌មាននៅកន្លែងកើតហេតុបានឲ្យដឹងថា នៅនៅមុនពេលកេីតហេតុគេឃើញជនរងគ្រោះជិះម៉ូតូម្នាក់ឯងម៉ាកហុងដាឌ្រីមសង់២០១៥ ពណ៌ខ្មៅ ពាក់ស្លាកលេខភ្នំពេញ1FE-9350 ធ្វើដំណើរតាមបណ្ដោយផ្លូវជាតិលេខ៣ ក្នុងទិសដៅពីជេីកត្បូងក្នុងល្បឿនលឿន ខណៈខណៈមកដល់ចំណុចកើតហេតុបានរេចង្កូតទៅបុករះជាមួយខឿនបង្កាន់ដៃស្ពានយអូសជាច្រើនម៉ែត្រស្លាប់នៅនឹងកន្លែង ។
ក្រោយកើតហេតុប្រជាពលរដ្ឋនៅទីនោះឃើញបានទាក់ទងទៅសមត្ថកិច្ចមូលដ្ឋានចុះមកអន្តរាគមន៍ពិនិត្យមើលឆែកឆេរលេីខ្លួនរបស់សពដោយឃើញមានតែអត្តសញ្ញាណសំគាល់ខ្លួនប៉ុណ្ណោះរួចហើយរាយការណ៍ទៅផ្នែកជំនាញចរាចរណ៍បន្ត ។
បច្ចុប្បន្នម៉ូតូជនរងគ្រោះត្រូវបានខាងផ្នែកជំនាញយកទៅទុកនៅអធិការដ្ឋានខណ្ឌដង្កោបណ្ដោះអាសន្នចំណែកសពរងគ្រោះវិញសមត្ថកិច្ចលេីកដាក់លើរថយន្តមន្ទីរពេទ្យបង្អែក កណ្តាកណ្តាលស្ទឹងរងចាំប្រគល់ឲ្យក្រុមគ្រួសារមកយកទៅធ្វើបុណ្យតាមប្រពៃណី ៕
ដោយ៖ ជ្រោយពេជ្រ
