ភ្នំពេញ៖ បុរសម្នាក់ស្រវឹងស្រាបេីករថយន្តបុកបង្គោលភ្លើងបណ្តាលឲ្យបាក់មួយដេីមអ្នកបេីកបរត្រូវបានរថយន្តមួយគ្រឿងទៀតដឹកគេចខ្លួនបាត់។
ហេតហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៨យប់ថ្ងៃទី២១ ខែមករា ឆ្នាំ២០២៥ នៅតាមបណ្តោយផ្លូវ82C ស្ថិតនៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
ប្រភពពត៌មាននៅកន្លែងកើតហេតុបានឲ្យដឹងថា នៅមុនពេលកេីតហេតុគេឃើញរថយន្តម៉ាកម៉ាស្តារពណ៌ស ពាក់ស្លាកលេខភ្នំពេញ2AU-9933 បេីកបរដោយបុរសម្នាក់ តាមបណ្ដោយផ្លូវ82Cក្នុងទិសដៅពីលិចទៅកេីតក្នុងល្បឿនយ៉ាងលឿន ខណៈបេីកមកដល់ចំណុចកេីតហេតុ រថយន្តបង្កបានរ៉េចង្កូតទៅផ្នែកខាងស្តាំជ្រុលទៅបុកបង្គោលភ្លើងបំភ្លឺផ្លូវ បណ្តាលឲ្យបាក់អស់មួយដេីម ។ ប្រភពពត៌មានពីកន្លែងកើតហេតុបានបន្តទៀតថា ក្រោយកើតហេតុភ្លាមៗអ្នកបេីកបរបានទាក់ទងហៅរថយន្តមួយគ្រឿងទៀតដឹកអ្នកបេីកបរគេចខ្លួនបាត់ ។
បន្ទាប់ពីកេីតហេតុសមត្ថកិច្ចនគរបាលប៉ុស្តិ៍បានទាក់ទងទៅសមត្ថកិច្ចនគរបាលជំនាញនៃការរិយាល័យចរាចរណ៍ផ្លូវគោករាជធានីភ្នំពេញដេីម្បីយករថយន្តទៅរក្សាទុកដេីម្បីរងចាំការដោះស្រាយថ្ងៃក្រោយ ៕
ជ្រោយពេជ្រ
