កីឡាករ Chris Wood ខ្សែប្រយុទ្ធ របស់ Nottingham Forest បានចុះហត្ថលេខាលើកិច្ចសន្យាថ្មីមួយដែលមានរយះពេល២ឆ្នាំដើម្បីបន្តលេងនៅក្នុងកីឡាដ្ឋាន City Ground ដល់ឆ្នាំ 2027។
Wood គឺជាតារាឆ្នើមម្នាក់ក្នុងរដូវកាលនេះ ដោយស៊ុតបញ្ចូលទីបាន 14 គ្រាប់ក្នុងការបង្ហាញខ្លួន 22 ប្រកួតនៅ Premier League ជួយឱ្យ Forest ឈរនៅចំណាត់ថ្នាក់លេខ 3 ។
កីឡាករអន្តរជាតិរបស់នូវែលសេឡង់វ័យ 33 ឆ្នាំរូបនេះបានចូលរួមជាមួយ Forest ក្នុងលក្ខខណ្ឌខ្ចីជើងពី Newcastle ក្នុងខែមករា ឆ្នាំ 2023 ហើយបានបញ្ចប់ការផ្លាស់ប្តូរជាអចិន្ត្រៃយ៍ក្នុងខែមិថុនាឆ្នាំជាមួយគ្នា។កិច្ចព្រមព្រៀងពីមុនរបស់ Wood នឹងផុតកំណត់នៅចុងបញ្ចប់នៃរដូវកាលនេះ ហើយគាត់គឺជាកីឡាករទីពីរដែលបានប្តេជ្ញាចិត្តនៅជាមួយក្លឹបនៅខែនេះ បន្ទាប់ពីខ្សែការពារកណ្តាល Murillo បានយល់ព្រមលើកិច្ចសន្យាថ្មីរយៈពេល 4 ឆ្នាំកន្លះ។