ខេត្តស្វាយរៀង:យ៉ាងហោចណាស់មនុស្ស ២នាក់បានរងរបួសធ្ងន់ស្រាល ដោយគ្រោះថ្នាក់ចរាចរណ៍រវាងម៉ូតូ២គ្រឿងបុកគ្នា បង្កការភ្ញាក់ផ្អើលដល់អ្នកធ្វើដំណើរនិងអ្នកភូមិទាំងថ្ងៃ នៅក្រុងស្វាយរៀង។

យោងតាមសមត្ថកិច្ចនគរបាលក្រុងស្វាយរៀងបានអោយដឹងថាហេតុការណ៏នេះបានកើតឡើងនៅវេលាម៉ោង១២និង៤០នាទីថ្ងៃទី ២៤ ខែ មករា  ឆ្នាំ ២០២៥ លើផ្លូវជាតិលេខ១ Km ១២៧និង១២៨ ស្ថិតនៅក្នុងភូមិ ថ្មី សង្កាត់ សង្ឃ័រ ក្រុង ស្វាយរៀង ខេត្ត ស្វាយរៀង ។

ប្រភពបន្តថាមាន ម៉ូតូមួយគ្រឿងម៉ាក ហុងដាសេ១២៥ ពណ៍ ខ្មៅ ពាក់ស្លាកលេខ ស្វាយរៀង ១S.០៧២៧ បើកបរដោយឈ្មោះ រស់ ឡូញ  អាយុ ៣៩ មុខរបរ កម្មកររោងចក្រ រស់នៅភូមិ ថ្មី សង្កាត់ សង្ឃ័រ ក្រុង ស្វាយរៀង ខេត្ត ស្វាយរៀង បើកបរពីកើតទៅលិច ពាក់មួកសុវត្ថិភាពហើយបានបត់ឆ្វេងមិនប្រយត្ន័ស្រាប់តែមាន ម៉ូតូម៉ាក ហុងដាសេ១២៥ ពណ៍ ខ្មៅ ពាក់ស្លាកលេខ ភ្នំពេញ ១BO.៣៤១៩ បើកបរដោយឈ្មោះ នង សំណាង  អាយុ ២១ មុខរបរ កម្មកររោងចក្រ រស់នៅភូមិ ស្វាយក្ងោ ឃុំ ស្វាយជ្រំ ស្រុក ស្វាយជ្រំ  ខេត្ត ស្វាយរៀង បើកបរពីកើតទៅលិច ពាក់មួកសុវត្ថិភាពជាន់ហ្វ្រាំងមិនទាន់ក៏បុកពេញទំហឹងបណ្ដាលអោយ រងរបួសធ្ងន់ ( បាក់ជើងស្តាំ ) ។

ក្រោយមកអ្នករបួស ធ្ងន់ត្រូវបាន ដឹកមកសង្គ្រោះនៅមន្ទីរពេទ្យបង្អែកខេត្តស្វាយរៀង ចំណែកមធ្យោបាយទាំង២គ្រឿង សមត្ថកិច្ចវាស់វែងនិងអូសយកមករក្សាទុកនៅអធិការនគរបាលក្រុងស្វាយរៀង ដើម្បីចាត់ការបន្តតាមច្បាប់។