កីឡាករ Aaron Ramsey ខ្សែបម្រើឆ្នើមនឹងត្រូវអវត្តមានពីក្រុមកាំភ្លើងធំ Arsenal ប្រហែល៣សប្ដាហ៍ឬអាចដល់១ខែដោយសាររបួសសរសៃពួរអំឡុងការប្រកួតថ្ងៃបើករដូវកាលដំបូងនៅក្របខ័ណ្ឌកំពូលអង់គ្លេស Premier League ដោយកាំភ្លើងធំចាញ់ ក្រុមហង្សក្រហម Liverpool ៤-៣ ក្នុងទឹកដីខ្លួនឯងកាលពីរាត្រីថ្ងៃអាទិត្យកន្លងទៅ ។ក្នុងការប្រកួតនោះកីឡាករជម្រើសជាតិវែលវ័យ២៥ឆ្នាំរូបនេះបានដូរចេញនៅ នាទី៦០នៅកីឡដ្ឋាន Emirates។

Ramsey នឹងអវត្តមានពេល Arsenal ប្រកួតក្រប ខ័ណ្ឌ Premier League ទល់នឹងក្រុមការពារ ជើងឯក Leicester City នៅចុងសប្ដាហ៍នេះ និងត្រូវប៉ះក្រុម Watford នៅប្រកួតបន្ទាប់ ហើយអាចនឹងអវត្តមានពេលប៉ះក្រុម Southamton ក្រោយត្រឡប់ពីការសម្រាកអន្តរជាតិដល់ថ្ងៃទី១០ ខែកញ្ញាទៀត ។

ក្រុមកាំភ្លើងធំ Arsenal ក្រោមការដឹក នាំរបស់លោក Arsène Wenger អវត្តមាន របស់ Ramsey នឹងធ្វើឲ្យក្រុមរបស់លោក ជួបបញ្ហាកីឡាកររបួសកាន់តែច្រើននាក់ហើយ ខណៈដែលកីឡាករផ្សេងទៀតដូច ជា Per Mertesacker, Danny Welbeck, Gabriel Paulista និង Alex Iwobi កំពុង តែរបួសដែរនោះ ៕

ដោយ៖ ដេវីត