ភ្នំពេញ ៖ម៉ូតូពីរគ្រឿងជិះខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុកគ្នាយ៉ាងពេញទំហឹងបណ្ដាលឲ្យមានអ្នករងរបួសធ្ងន់និងស្រាលចំនួន៤នាក់ ។
ហេតុការណ៍នេះបានកើតឡើងនៅវេលាម៉ោង ៧និង៣០នាទីយប់ថ្ងៃទី៤ខែកុម្ភៈឆ្នាំ២០២៥ ចំនុចផ្លូវ១៣៥កែងផ្លូវ៤៧២ សង្កាត់ទួលទំពូងទី១ ខណ្ឌចំការមនរាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានដឹងថាមុនពេលកើតហេតុគេបានឃើញបុរសម្នាក់បានជិះម៉ូតូម៉ាកហុងដាស្កុបពីពណ៌ក្រហមពាក់ស្លាកលេខ ភ្នំពេញ 1KZ 5028 ជិះធ្វើដំណើរតាមបណ្ដោយផ្លូវ១៣៥ទិសដៅពីជើងទៅត្បូង លុះមកដល់ចំណុចកេីតហេតុ ដែលជាផ្លូវបំបែកជាបួន ក៏ស្រាប់តែមាន យុវជនប្រុសស្រីចំនួនបីនាក់បានជិះម៉ូតូម៉ាកPCX ពណ៌ស ពាក់ស្លាកលេខ កណ្ដាល1Z 1491 ជិះបោះពួយតាមបណ្ដោយផ្លូវ៤៧២ ទិសដៅពីកើតទៅលិចល្បឿនលឿនខ្វះការប្រុងប្រយ័ត្នក៏ជ្រុលទៅបុកជាមួយនឹងម៉ូតូស្កុបពីយ៉ាងពេញទំហឹងបណ្ដាលឲ្យម៉ូតូដួលខ្ទាតទៅ ចិញ្ចើមផ្លូវធ្វើឲ្យភាគីខាងម៉ូតូស្គុបពីរងរបួសដៃនិងជើងខាងឆ្វេងត្រូវបានដឹកតាមកង់បីយកទៅសង្គ្រោះនៅឯមន្ទីរពេទ្យរុស្ស៊ី ។
ដោយឡែកភាគីខាងម៉ូតូPCXវិញអ្នកបើកម៉ូតូជាបុរសរងរបួសបែកមាត់ហូរឈាមក៏ត្រូវដឹកតាមម៉ូតូយកទៅសង្គ្រោះនៅមន្ទីរពេទ្យរុស្ស៊ីដូចគ្នារីឯ នារីពីរនាក់របួសតិចតួចមិនបានទៅមន្ទីរពេទ្យនោះទេ ។
ក្រោយកើតហេតុដោយសារមិនមានដំណោះស្រាយនយោបាយទាំងអស់ត្រូវសមត្ថកិច្ចជំនាញវាស់វែងយកទៅរក្សាទុកនៅអធិការនគរបាលខណ្ឌចំការមនដើម្បីរង់ចាំដំណោះស្រាយនៅពេលក្រោយជាបន្តទៀត ៕ដោយ៖សុខាសែនជ័យ
