ភ្នំពេញ៖រថយន្តម៉ាកkia carnival មួយគ្រឿងបានបេីកជ្រុលទៅបុកនិងម៉ូតូកង់បីឥណ្ឌាពីក្រោយរងខូចខាតតិចតួចមិនព្រមឈប់ទទួលខុសត្រូវ បែរជាព្យាយាមបេីករថយន្តរត់គេច ក៏ត្រូវភាគីខាងកង់បីបេីកដេញឃាត់ជាប់ហៅសមត្ថកិច្ចមកជួយដោះស្រាយ ។
ហេតុការណ៍នេះបានកើតឡើងនៅវេលាម៉ោង៩និងនិង៣០នាទីយប់ ថ្ងៃទី៩ខែកុម្ភៈឆ្នាំ២០២៥ ជិតស្តុបអ៊ីអន១ ផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់ជាបេីកម៉ូតូកង់បីឥណ្ឌាពណ៌ស ពាក់ស្លាកលេខ កណ្ដាល1X5623 បានបេីកដឹកភ្ញៀវម្នាក់ធ្វើដំណើរតាមបណ្ដោយផ្លូវ សុធារសទិសដៅពីកេីតទៅលិច លុះមកដល់ចំណុច ក៍ស្រាប់តែមានប្តីប្រពន្ធ២នាក់ បានបេីករថយន្តម៉ាកkia carnival ពណ៌ស ពាក់ស្លាកលេខ ភ្នំពេញ2BK1324 បានបេីកធ្វើដំណើរក្នុងទិសដៅស្របគ្នា ក៍ជ្រុលទៅបុករុញម៉ូតូកង់បីពីក្រោយបណ្តាលឲ្យរងការខូចខាតតិចតួច តែភ្លាមៗនោះភាគីខាងរថយន្តមិនព្រមឈប់ទទួលខុសត្រូវបែរជាព្យាយាមបេីករថយន្តរត់គេចប្រហែល៥០ម៉ែត្រ ក៏ត្រូវបានភាគីកង់បីបេីកដេញឃាត់ជាប់ពីមុខទេីបរថយន្តព្រមឈប់ ។
ប្រភពដដែលបានបន្តទៀតថា លុះដល់ពេលឃាត់ជាប់ហើយរថយន្តខូចខាតខាងមុខតិចតួច តែភាគីខាងរថយន្តបានចុះពីលើរថយន្តហើយ ឃើញបុរសអ្នកបេីកម៉ូតូកង់បីទាញទូរសព្ទថតរូបក៏ស្រាប់តែបុរសជាអ្នកបេីករថយន្តរូបនោះ បានយកដៃក្រវាសបណ្តាលឲ្យធ្លាក់បែកកញ្ចក់ទូរសព្ទថែមទៀត ។
ពាក់ព័ន្ធករណីនេះផងដែរបន្តិចក្រោយមកក៏មានវត្តមានសមត្ថកិច្ចមូលដ្ឋានបានចុះទៅកន្លែងកើតហេតុ ហើយឲ្យភាគីទាំងសង្ខាងសម្របសម្រួលគ្នា ដោយខាងរថយន្តរងចាំក្រុមហ៊ុនធានារ៉ាប់រងមកធ្វើការដោយស្រាយផងដែរ ។
ក្រោយពេលកេីតហេតុ ខាងរថយន្តក៏បានជួយចេញថ្លៃការខូចខាតទៅអោយភាគីខាងម៉ូតូកង់បីដេីម្បីបញ្ចប់រឿងនៅកន្លែងកើតហេតុ ៕
ដោយ៖សុខាសែនជ័យ
