ភ្នំពេញ៖​ អគ្គិភ័យមួយបានឆាបឆេះកន្លែងផ្ញើរម៉ូតូឡានមួយកន្លែងយ៉ាងសន្ធោសន្ធៅបណ្តាលឲ្យខូចខាតម៉ូតូរឺម៉កនិងរថយន្តសរុបចំនួន៨គ្រឿងបង្កការភ្ញាក់ផ្អេីលដល់រថយន្តបង្កានិងពន្លត់អគ្គិភ័យរថយន្តស្នងការដ្ឋាននគរបាលរាជធានីចុះអន្តរាគមន៍ភ្លាមៗ។

ហេតុការណ៍នេះបានកេីតឡេីងកាលពីវេលាម៉ោង១១និង៥០នាទីយប់​ ថ្ងៃទី៩​ ខែខែកុម្ភៈ ឆ្នាំ២០២៥​ នៅជាប់ប្រឡាយទួលពង្រ​ ភូមិទួលពង្រ​ សង្កាត់ចោមចៅទី១​ ខណ្ឌពោធិ៍សែនជ័យ។

តាមប្រភពព័ត៌មានបានឲ្យដឹងថា​ មុនពេលកេីតហេតុគេបានឃេីញអគ្គិភ័យឆាបឆេះទីតាំងផ្ញើរម៉ូតូឡាន​យ៉ាងសន្ធោសន្ធៅ​ ភ្លាមនោះបងប្អូនប្រជាពលរដ្ឋបាននាំគ្នាជួយដងទឹក​ និងទាញទុយោមកបាញ់ទឹកពន្លត់តែមិនអាចគ្រប់គ្រងបាន​ ក៏រាយការណ៍ទៅអាជ្ញាធរមានមត្ថកិច្ចទាក់ទងទៅមន្រ្តីបង្កានិងពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ​ ចេញរថយន្តពន្លត់អគ្គិភ័យមកអន្តរាគមន៍ពន្លត់។

ក្រោយពីទទួលបានព័ត៌មានភ្លាមរថយន្តពន្លត់អគ្គិភ័យក៏ចុះមកដល់ទីតាំងកន្លែងកេីតហេតុបាញ់ពន្លត់គ្រោះអគ្គិភ័យខាងលេីដោយប្រេីប្រាស់ទឹកអស់មួយឡានអគ្គិភ័យក៏រលត់ទៅវិញទាំងស្រុង​ ដោយខូចខាតម៉ូតូចំនួន៥គ្រឿងកង់បីឥណ្ឌា១គ្រឿង​ រ៉ឺម៉ងមួយគ្រឿង​ និងរថយន្តមួយគ្រឿងផងដែរ​ តែមិនមានមនុស្សរងរបួសនោះទេ។

ចំពោះមូលហេតុសមត្ថកិច្ចកំពុងធ្វេីការស្រាវជ្រាវ៕ ដោយ៖សុខាសែនជ័យ