របាយការណ៍របស់រដ្ឋាភិបាលបានបង្ហាញកាលពីថ្ងៃចន្ទ (៣១ មីនា) ថា សេដ្ឋកិច្ចរបស់ប្រទេសជប៉ុនអាចខាតបង់ដល់ទៅ ១,៨១ ពាន់ពាន់លានដុល្លារដោយគ្រោះរញ្ជួយដីកម្រិតធំមួយដែលរំពឹងទុកថាអាចកើតមានជាយូរមកហើយនៅឆ្នេរសមុទ្រប៉ាស៊ីហ្វិក ដែលអាចបង្កឱ្យមានរលកយក្សស៊ូណាមិ ការដួលរលំអគាររាប់រយ និងអាចសម្លាប់មនុស្សប្រហែល 300,000 នាក់។

 

ប្រទេសជប៉ុនត្រូវបានគេមើលឃើញឱកាសប្រហែល 80 ភាគរយ ដែលអាចកើតការរញ្ជួយដីកម្រិត 8 ទៅ 9 រ៉ិចទ័រ នៅតាមតំបន់បាតសមុទ្រដែលមានឈ្មោះថា Nankai Trough ។

 

របាយការណ៍របស់គណៈរដ្ឋមន្ត្រីបានបង្ហាញថា ការខូចខាតសេដ្ឋកិច្ចដែលរំពឹងទុកចំនួន 270.3 ពាន់ពាន់លានយ៉េន ឬជិតពាក់កណ្តាលនៃផលិតផលក្នុងស្រុកសរុបរបស់ប្រទេសនេះ គឺកើនឡើងយ៉ាងខ្លាំងពីការប៉ាន់ប្រមាណពីមុនចំនួន 214.2 ពាន់ពាន់លានយ៉េន ដោយសារការប៉ាន់ប្រមាណថ្មីបានគិតពីសម្ពាធអតិផរណា និងទិន្នន័យដីដែលបានធ្វើបច្ចុប្បន្នភាព។

ប្រទេសជប៉ុនគឺជាប្រទេសមួយក្នុងចំណោមប្រទេសដែលងាយរងគ្រោះរញ្ជួយដីបំផុតរបស់ពិភពលោក

។
ប្រសិនបើរឿងអាក្រក់នេះកើតឡើងមែន

ដោយផ្អែកលើការរញ្ជួយដីកម្រិត 9 រ៉ិចទ័រ នៅក្នុងតំបន់នោះ ប្រទេសជប៉ុននឹងត្រូវជម្លៀសមនុស្សចំនួន 1.23 លាននាក់ ឬ 1 ភាគរយនៃចំនួនប្រជាជនសរុបរបស់ខ្លួន។

 

របាយការណ៍ក៏បានបង្ហាញថា មនុស្សរហូតដល់ 298,000 នាក់អាចស្លាប់ដោយសាររលកយក្សស៊ូណាមិ និងការដួលរលំអគារ។

 

កាលពីឆ្នាំមុន ប្រទេសជប៉ុនបានចេញសេចក្តីណែនាំអំពីឱកាសដែលអាចកើតការរញ្ជួយដីកម្រិតកម្លាំងខ្លាំង 9 រ៉ិចទ័រ បន្ទាប់ពីគ្រោះរញ្ជួយដីកម្រិត 7.1 រ៉ិចទ័របានកើតឡើងនៅគែមនៃរណ្ដៅបាទសមុទ្រ។
គួរំលឹកថាជប៉ុនមាន ការរញ្ជួយដីកម្រិត 9 រ៉ិចទ័រ ក្នុងឆ្នាំ 2011 ដែលបានបង្កឱ្យមានរលកយក្សស៊ូណាមិ និងការរលាយម៉ាស៊ីនរ៉េអាក់ទ័របីនៅរោងចក្រថាមពលនុយក្លេអ៊ែរនៅភាគឦសានប្រទេសជប៉ុនបានសម្លាប់មនុស្សជាង 15,000 ។