ភ្នំពេញ៖ វាមិនមែនជារឿងធម្មតានោះទេ ដោយរថយន្តស៊េរីទំនើបម៉ាកRange Rover ពណ៌ស ពាក់ស្លាកលេខភ្នំពេញ2AC-5566 ដែលម្ចាស់បានចតលើផ្លូវសាធារណៈ មិនខ្វល់ពីការកក់ស្ទះចរាចរណ៍ និងខូចសណ្ដាប់ធ្នាប់ ហើយមិនតែប៉ុណ្ណោះថែមទាំងដាក់បារ៉ាស២ទៀតធ្វើជារបាំងការពាររថយន្តរបស់ខ្លួនមើលតែផ្លូវគាត់ទិញផ្តាច់មុខ ដូច្នេះហើយប្រជាពលរដ្ឋបានសំណូពរដល់អាជ្ញាធរខណ្ឌជួយត្រួតពិនិត្យមើលផង ។

ករណីហួសចិត្តខាងលើនេះ បានកើតឡើងនៅ មុខសាលា ELT ផ្លូវលេខ១៣៦ សង្កាត់ផ្សារថ្មីទី១ ខណ្ឌដូនពេញ ។

គួរបញ្ជាក់ផងដែរថា រថយន្តខាងលើនេះត្រូវបានប្រជាពលរដ្ឋថតបាន រូប២សន្លឹកគឺចតពេលថ្ងៃ និងពេលយប់ ៕

ដោយ៖ ស ដារ៉ា