ខេត្តកំពង់ចាមៈ នៅរសៀលថ្ងៃទី ២៤ ខែ សីហា នេះនៅទីរួមខេត្តកំពង់ចាម សម្តេចតេជោ ហ៊ុន សែន បានអញ្ជើញទៅអុចធូបគោរពប្រណិបត្តិនៅចេតិយជីដូនជីតាសាច់សារលោហិតខាងម្តាយរបស់ សម្តេចតេជោ ដែលស្ថិតនៅក្នុងបរិវេណវត្តដីដុះនៃទីរួមខេត្តកំពង់ចាម។

នៅពេល សម្តេចតេជោ បានអញ្ជើញមកដល់ទឹកដីកំណើតខេត្តកំពង់ចាមម្តងៗ បានធ្វើអោយ សម្តេច នឹកឃើញនូវអនុស្សាវរីយ៍ជាច្រើនដែលមិនអាចបំភ្លេចបានក្នុងជីវិតទាំងពេលមុន និងក្រោយពេលសង្រ្គាម ជាពិសេសក្នុងពេល សម្តេចតេជោ តស៊ូរំដោះប្រទេសជាតិពីរបបប៉ុលពតខ្មែរក្រហម។ នៅថ្ងៃនេះ សម្តេចតេជោ ក៏បានជួបជុំជាមួយបងប្អូនជីដូនមួយរបស់សម្តេចផងដែរ៕

ដោយ សុខ ខេមរា