ខេត្ដប៉ៃលិន៖ ស្ដ្រីម្នាក់ត្រូវប្ដីវាយ ឱ្យសន្លប់បាត់មាត់បាត់កព្រោះតែខឹងនឹងប្រពន្ធសួរនាំបន្ដិចបន្ដួចពេលត្រឡប់ មកពីផឹកស៊ីដល់ផ្ទះយប់ជ្រៅ ។ករណីហិង្សាប្ដីវាយប្រពន្ធនេះបាន កើតឡើងនៅវេលាម៉ោង១០និង៣០នាទី យប់ថ្ងៃទី៣ ខែសីហា ឆ្នាំ២០១៥ នៅក្នុង ភូមិក្បាលព្រលាន សង្កាត់អូរតាវ៉ៅ ក្រុង-ខេត្ដប៉ៃលិន ។
បើតាមនគរបាលមូលដ្ឋានឱ្យដឹងថា ស្ដ្រីរងគ្រោះដែលត្រូវប្ដីវាយឱ្យសន្លប់ មានស្នាមជាំពេញខ្លួនឈ្មោះ ជួង នី អាយុ៣១ឆ្នាំ មុខរបរកម្មករ មានស្រុក កំណើតនៅភូមិ-ឃុំអំពិល ស្រុកស្អាង ខេត្ដកណ្ដាល បច្ចុប្បន្នរស់នៅភូមិ-ឃុំ កើតហេតុខាងលើ ។ ចំណែកប្ដីឈ្មោះ អ៊ុំ សុខុម អាយុ៣៨ឆ្នាំ ជាកម្មករបុកអណ្ដូង ទឹក ។
បើតាមស្ដ្រីរងគ្រោះឱ្យដឹងថា មុន ពេលកើតហេតុគាត់បានសួរនាំប្ដីក្នុង បំណងល្អនិងដើម្បីសុវត្ថិភាពចំពោះប្ដី ប៉ុណ្ណោះ ព្រោះតែឃើញប្ដីចេញពីធ្វើការ ងារមិនបានត្រឡប់មកផ្ទះនោះទេ តែ បានទៅផឹកស៊ីរាល់ថ្ងៃ ។ ជួនថ្ងៃខ្លះដល់ ម៉ោង១០-១១ ទើបត្រឡប់មកផ្ទះវិញ។ ពេលនោះប្ដីរបស់គាត់មិនបានឆ្លើយតប អ្វីទេ ក្រោយបន្ដិចក៏ទាញអំបោសមក វាយលើរូបគាត់ខណៈដែលគាត់បានសួរ ប្ដីតែ៤-៥ម៉ាត់ប៉ុណ្ណោះ ។ ក្រោយពីវាយ រួចហើយក៏បានជិះម៉ូតូចេញពីផ្ទះបាត់ រហូតមកដល់ពេលនេះមិនទាន់ត្រឡប់ មកផ្ទះវិញទេ ។
ស្ដ្រីរងគ្រោះបានបញ្ជាក់ថា អំពើ ហិង្សាសម្រាប់ប្ដីមកលើរូបគាត់មាន ច្រើនលើកមកហើយ តែដោយសាររូប គាត់ចង់ឱ្យមានភាពសុខដុមរមនាក្នុង គ្រួសារ ទើបមិនដាច់ចិត្ដប្ដឹងផ្ដល់តែ មកដល់ពេលនេះរូបគាត់លែងទុកចិត្ដ បានទៀតហើយ ព្រោះតែរឿងច្រំដែរ ។
ស្ដ្រីរងគ្រោះបានបន្ថែមថា ពាក្យ បណ្ដឹងរបស់គាត់បានដាក់ចូលទៅនគរ បាលព្រហ្មទណ្ឌកម្រិតស្រាលនៃស្នងការ ដ្ឋាននគរបាលខេត្ដប៉ៃលិនពីបទប្ដីប្រើ អំពើហិង្សានិងជាសំណូមពរឱ្យចាត់ការ តាមផ្លូវច្បាប់ ។
លោកឧត្ដមសេនីយ៍ត្រី ជា ចាន់ឌឹន ស្នងការនគរបាលខេត្ដប៉ៃលិនក្រោយពី បានឃើញបណ្ដឹងស្ដ្រីរងគ្រោះលោកបាន ដាក់បញ្ជារឱ្យសមត្ថកិច្ចក្រោមឱវាទ តាមចាប់ប្ដីហេងស៊យខាងលើនេះយក មកផ្ដន្ទាទោសតាមផ្លូវច្បាប់ ៕
ដោយ៖ ស សារ៉េត
