ខេត្ដបន្ទាយមានជ័យ៖ អាជីវករនៅ ផ្សារចំនួនពីរក្នុងក្រុងប៉ោយប៉ែតត្រូវបានប្រជាពលរដ្ឋរិះគន់ថាបានយកផ្លូវសាធារណៈ ធ្វើជាកន្លែងលក់ដូររបស់ខ្លួនដើម្បីប្រមូល ផលប្រយោជន៍ហើយមិនគិតពីផលប៉ះ ពាល់ដល់អ្នកដទៃ។
ដោយមានការរិះគន់នឹងសំណូមពរពីប្រជាពលរដ្ឋនិងតាមការណែនាំរបស់ អាជ្ញាធរក្រុងប៉ោយប៉ែតទើបនៅព្រឹកថ្ងៃទី៣ ខែសីហា ឆ្នាំ២០១៥ លោក អ៊ុំ សុផល អធិការនគរបាលក្រុងបានដឹកនាំ បញ្ជាកម្លាំងក្រោមឱវាទចុះរៀបចំការលក់ដូរឱ្យមានសណ្ដាប់ធ្នាប់របៀបរៀប រយបញ្ជៀសការប៉ះពាល់អ្នកដំណើរនិង អ្នកថ្មើរជើង។
លោក សៅ សារឿន នាយការិយា ល័យសណ្ដាប់ក្រុងបាននិយាយឱ្យដឹងថា ផ្សារដែលប្រជាពលរដ្ឋបានរិះគន់នឹងក៏ ជាផ្សារដែលកម្លាំងលោកកំពុងរៀបចំគឺផ្សារកណ្ដាលស្ថិតនៅក្នុងសង្កាត់ផ្សារ កណ្ដាល ហើយមួយទៀតគឺផ្សារត្រីប៉ោយ ប៉ែត ស្ថិតក្នុងសង្កាត់ប៉ោយប៉ែត។ ផ្សារ ទាំងពីរនេះគឺមានអាជីវករជាច្រើនបានយកចិញ្ចើមផ្លូវអ្នកថ្មើរជើងតាំងលក់ទំនិញ យ៉ាងរំភើយមិនតែប៉ុណ្ណោះបានទាំងយក ទ្រូងផ្លូវលក់ដូរទៀតបង្កការកកស្ទះដល់មធ្យោបាយអ្នកធ្វើដំណើរទូទៅ។
លោកនាយការិយាល័យបានបន្ដថា បន្ទាប់ពីកម្លាំងនគរបាលចុះរៀបចំនិង ធ្វើការណែនាំដោយបង្ហាញពីផលប៉ះ ពាល់ផ្សេងៗអាជីវករបានយល់ព្រមរុះ រើនិងលើកទំនិញចេញពីលើចិញ្ចើមផ្លូវចូលមកលក់ផ្ទះវិញហើយចំពោះអ្នកលើក តុមកលក់ខាងក្រៅផ្សារក៏យល់ព្រមចូលទៅលក់ក្នុងផ្សារវិញដែរ។
ប្រជាពលរដ្ឋបានធ្វើការសាទរចំពោះចំណាត់ការនេះរបស់អាជ្ញាធរក្រុងនិង នគរបាលដែលបានកែលម្អសោភណ ភាពផ្សារសម្រួលដល់ការកកស្ទះតាម ផ្លូវសាធារណៈពិសេសអ្នកដំណើរអាច ចរាចរបានស្រួល ៕
ដោយ៖ សហការី
