Lamine Yamal ដែលជាកីឡាករល្អបំផុតមួយរូបក្នុងពិភពលោកនាពេលឆាប់ៗនេះ អាចនឹងក្លាយជាកីឡាករដែលមានប្រាក់ខែខ្ពស់បំផុតនៅ Barcelona ជាមួយនឹងតម្រូវការប្រាក់ខែ 35-40 លានអឺរ៉ូ (40-45 លានដុល្លារ) ក្នុងមួយឆ្នាំនៅពេលគាត់មានអាយុ 18 ឆ្នាំ។

 

យោងតាមសារព័ត៌មាន ​​El Nacional ការចរចាកុងត្រារបស់ខ្សែប្រយុទ្ធវ័យ 17 ឆ្នាំកំពុងបង្កើតភាពតានតឹងនៅក្នុងក្លឹប។ ថ្វីត្បិតតែមានទំរង់លេងយ៉ាងល្អ និងត្រូវបានចាត់ទុកថាជាកំពូលកីឡាករនាអនាគតរបស់ក្លឹបក៏ដោយ ការទាមទារផ្នែកហិរញ្ញវត្ថុរបស់ Yamal បានបង្កឱ្យមានការពិភាក្សាផ្ទៃក្នុងសិន។

 

បច្ចុប្បន្ន Yamal រកបានប្រហែល 3 លានអឺរ៉ូក្នុងមួយឆ្នាំ ប៉ុន្តែគេរំពឹងថានឹងផ្លាស់ប្តូរយ៉ាងខ្លាំងនៅពេលដែលគាត់មានអាយុ 18 ឆ្នាំនៅថ្ងៃទី 13 ខែកក្កដា។ នៅថ្ងៃនោះ គាត់នឹងមានសិទ្ធិចុះហត្ថលេខាលើកិច្ចសន្យាអាជីពរយៈពេល 5 ឆ្នាំជាមួយក្លឹប Barcelona ហើយប្រាក់ខែរបស់គាត់ត្រូវបានព្យាករណ៍ថានឹងឈានដល់កម្រិតខ្ពស់បំផុតរបស់ក្លឹប។

 

Yamal បានដើរតួយ៉ាងសំខាន់ក្នុងការប្រកួតក្នុងស្រុករបស់ Barcelona នៅរដូវកាលនេះ ដោយស៊ុតបញ្ចូលទីបាន 17 គ្រាប់នៅគ្រប់ការប្រកួតទាំងអស់។ បច្ចុប្បន្ននេះគាត់ស្ថិតក្នុងចំណាត់ថ្នាក់នៅពីក្រោយ Ousmane Dembele របស់ PSG ក្នុងតារាង Ballon d’Or របស់ Goal ។ ក្មេងជំទង់រូបនេះក៏បានបង្ហាញពីទេពកោសល្យដ៏អស្ចារ្យរបស់គាត់នៅលើឆាកអន្តរជាតិ ដោយដើរតួយ៉ាងសំខាន់ក្នុងការជួយអេស្ប៉ាញឈ្នះអឺរ៉ូ 2024 ។