ពីទីក្រុងតូក្យូ ប្រទេសជប៉ុន ៖ នៅរសៀលថ្ងៃអង្គារ ១កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែឧសភា ឆ្នាំ២០២៥ តាមរយៈZoom លោកបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ អញ្ជើញចូលរួមកិច្ចប្រជុំពិនិត្យ និងផ្តល់យោបល់លើសេចក្តីព្រាងវិសោធនកម្មលក្ខន្តិកៈសមាគមអតីតយុទ្ធជន និងនិវត្តជនកម្ពុជា ក្រោមអធិបតីដឹកនាំដោយលោកកិត្តិសង្គហបបណ្ឌិត គន់ គីម ទេសរដ្ឋមន្រ្តី និងជាអគ្គលេខាធិការសមាគមអតីតយុទ្ធជនកម្ពុជា ។

កិច្ចប្រជុំបានពិនិត្យ និងពិភាក្សាលើចំនុចសំខាន់នៃខ្លឹមសារសេចក្តីព្រាងធ្វើវិសោធនកម្មលក្ខន្តិកៈរបស់សមាគមអតីតយុទ្ធជន និងនិវត្តជនកម្ពុជា ស្របតាមប្រសាសន៍ណែនាំដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ក្នុងការដាក់បញ្ចូលនិវត្តជននៃមន្រ្តីរាជការស៊ីវិល ចូលជាសមាជិកភាពនៃសមាគមនេះផងដែរ ក្នុងឱកាសដែលសម្ដេចអញ្ជើញជាអធិបតីដឹកនាំកិច្ចប្រជុំកាលពីថ្ងៃទី២២ ខែឧសភា ឆ្នាំ២០២៥ កន្លងមកនេះ ៕

ដោយ ៖ សិលា