កាសែត Asahi បានរាយការណ៍ដោយដកស្រង់ប្រភពមិនស្គាល់អត្តសញ្ញាណមួយថា ប្រទេសជប៉ុនបានស្នើសុំទិញផលិតផលសូមីខុនឌាក់ទ័រ (semiconductor) របស់សហរដ្ឋអាមេរិក ដែលមានតម្លៃរាប់ពាន់លានដុល្លារ ក្នុងអំឡុងពេលការចរចារពន្ធដែលកំពុងបន្តជាមួយសហរដ្ឋអាមេរិក។
សូមីខុនឌាក់ទ័រ (semiconductor) គឺជាវត្ថុដែលមានសមត្ថភាពចម្លងអគ្គិសនីបានកំរិតមធ្យម ប្រៀបធៀបរវាងឧបករណ៍ចម្លងល្អ (ដូចជា ដែក) និងឧបករណ៍មិនចម្លង (ដូចជា ផ្លាស្ទិក)។ Semiconductors ត្រូវបានប្រើនៅក្នុងផលិតផលដ៏ច្រើនសន្ធឹកសន្ធាប់ ពីគ្រឿងអេឡិចត្រូនិកប្រើប្រាស់ប្រចាំថ្ងៃរហូតដល់កម្មវិធីឯកទេសបន្ថែមទៀត។ ឧទាហរណ៍រួមមាន ទូរសព្ទដៃ កាមេរ៉ាឌីជីថល ទូរទស្សន៍ ម៉ាស៊ីនបោកគក់ ទូទឹកកក អំពូល LED បន្ទះស្រូបពន្លឺព្រះអាទិត្យ និងមីក្រូដំណើរការដែលប្រើក្នុងកុំព្យូទ័រ និងស្មាតហ្វូន។
របាយការណ៍បាននិយាយថា រដ្ឋាភិបាលជប៉ុនគ្រោងនឹងឧបត្ថម្ភធនដល់ក្រុមហ៊ុនក្នុងស្រុកដែលទិញបន្ទះឈីបរបស់សហរដ្ឋអាមេរិកពីក្រុមហ៊ុនដូចជា Nvidia ជាមួយនឹងការនាំចូលដ៏មានសក្ដានុពលដល់ទៅ 1 ពាន់ពាន់លានយ៉េន (6.94 ពាន់លានដុល្លារ) ក្នុងគោលបំណងកាត់បន្ថយឱនភាពពាណិជ្ជកម្មរបស់អាមេរិកប្រហែល 10 ទ្រីលានយ៉េនជាមួយប្រទេសជប៉ុន។ អ្នកចរចារពន្ធកំពូលរបស់ប្រទេសជប៉ុន Ryosei Akazawa នឹងធ្វើទស្សនកិច្ចនៅសហរដ្ឋអាមេរិកប្រហែលថ្ងៃទី 30 ខែឧសភា សម្រាប់កិច្ចចរចាពាណិជ្ជកម្មជុំទីបួន។
(1 ដុល្លារ = 144.1700 យ៉េន)
