ភ្នំពេញ៖ រថយន្តtoyota alpha មួយគ្រឿងខណៈសង្ស័យថាអ្នកបេីកបរងោកមួយភាំងទេីបបណ្ដាលឲ្យជ្រុលចង្កូតទៅបុកនិងក្បាលនាគថ្មពុះចែកទ្រូងផ្លូវបណ្ដាលឲ្យរងការខូចខាតទាំងរថយន្តនិងថ្មពុះចែកទ្រូងផ្លូវ ។
ហេតុការណ៍នេះបានកើតឡើងនៅវេលាម៉ោង១និង៥០នាទីរំលងអាធ្រាត្រចូលថ្ងៃទី៣០ខែឧសភាឆ្នាំ២០២៥ចំនុចស្តុបព្រឹទ្ធសភា ផ្លូវម៉ៅសេទុងកែងផ្លូវ៦៣ សង្កាត់បឹងកេងកងទី១ ខណ្ឌបឹងកេងកង ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកេីតហេតុ គេបានឃើញបុរសជាជនជាតិចិនម្នាក់បានបេីករថយន្តម៉ាក toyota alpha ពណ៌ស ពាក់ស្លាកលេខ ភ្នំពេញ 2BN 9857 បេីកធ្វើដំណើរតាមបណ្ដោយផ្លូវម៉ៅសេទុងទិសដៅពីកេីតទៅលិចក្នុងល្បឿនលឿន ខណៈមេឃកំពុងតែរលឹម លុះមកដល់ចំណុចកេីតហេតុ ដោយសង្ស័យថាអ្នកបេីកបររ ងោកដេកងោកមួយភាំងទេីបបណ្ដាលឲ្យរថយន្តរេចង្កូតជ្រុលទៅបុកនិងក្បាលនាគថ្មពុះចែកទ្រូងផ្លូវខ្ទាតរងការខូចខាតអស់ចំនួន១កង់ព្រមទាំងធ្វើឲ្យរថយន្តរងការខូចខាតខ្ទេចផ្នែកខាងមុខចំហៀងខាងឆ្វេង បាក់កង់រទិលនិងផ្ទុះពោងសុវត្ថិភាព តែមិនមានគ្រោះថ្នាក់ដល់មនុស្សនោះទេ ហើយអ្នកបេីកបរ ក៍គេចចេញទៅបាត់ផងដែរ ។
ក្រោយពេលកេីតហេតុ នៅសល់តែរថយន្តដែលរងការខូចខាត ត្រូវបានសមត្ថកិច្ចស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករងចាំដំណោះស្រាយ ៕
ដោយ៖សុខាសែនជ័យ
