ខេត្តកំពង់ស្ពឺ៖ ដោយអនុវត្តបទបញ្ជា និងការចង្អុលដឹកនាំផ្ទាល់ពី លោកឧត្ដមសេនីយ៍ទោ ឃឹម សុកខៃ ស្នងការ នគរបាលខេត្ដកំពង់ស្ពឺ បានជម្រុញឱ្យកង កម្លាំងបង្កេីនកិច្ចសហការស្រាវជ្រាវបង្រ្កាបបទល្មេីសគ្រឿងញៀន នៅថ្ងៃទី២៩ ខែឧសភា ឆ្នាំ២០២៥ វេលាម៉ោង១៧និង៤៥នាទីនៅចំណុចក្នុងព្រៃខាងជើងស្ទឹងព្រៃរមៀតនៅភូមិកណ្ដាល ឃុំតាំងសំរោង ស្រុកភ្នំស្រួច កម្លាំងអធិការដ្ឋាននគបាលស្រុកភ្នំស្រួច បានបេីកប្រតិបត្តិការ សហការស្រាវជ្រាវឈានទៅបង្រ្កាបមុខ
សញ្ញាសង្ស័យពាក់ព័ន្ធបទល្មើសគ្រឿងញៀន៣នាក់ ៖
១-ឈ្មោះ ហេង សុខណា ហៅ(ខ្នា) ភេទប្រុស អាយុន៣៨ឆ្នាំ រស់នៅភូមិព្រៃរមៀតឃុំព្រៃរំដួល ស្រុកភ្នំស្រួច,២-ឈ្មោះ សុខ ឡត ភេទ ប្រុស អាយុ២៤ឆ្នាំ រស់នៅភូមិតាយ៉ូវ ឃុំតាំងសំរោង ស្រុកភ្នំស្រួចនិង៣- ឈ្មោះ ជា សុភាន់ ភេទប្រុស អាយុ២៨ឆ្នាំ រស់នៅភូមិកណ្ដាល ឃុំតាំងសំរោង ស្រុកភ្នំស្រួច។
នៅក្នុងប្រតិបត្តិការនេះសមត្ថកិច្ចដកហូតវត្ថុតាងរួមមាន -ម្សៅក្រាមពណ៌សថ្លាចំនួន៧កញ្ចក់ –ជញ្ជីងថ្លឹងប្រភេទអេឡិចត្រូនិចចំនួន០១គ្រឿង -ឧបករណ៍ខ្សៀចំនួន០២ -ថង់សំរាប់វេចខ្ចប់មួយចំនួន -ទូរស័ព្ទដៃ០១គ្រឿង -គោយន្ដ០១គ្រឿង ម៉ាកTRACHANG ពណ៌ក្រហមសណ្ដោងរ៉ឺម៉ក-ម៉ូតូ០២គ្រឿង ។
លោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួចបានបញ្ជាក់ថា មុខសញ្ញាគ្រឿងញៀនជា
មុខសញ្ញាសកម្មមានការស៊េីបអង្កេតជាយូរមកហេីយ ក្រុមនេះមានការផ្ដល់ចែកចាយដល់មុខសញ្ញាទទួល លក់បន្ដ នៅគោលដៅក្រុមអ្នកធ្វេីចម្ការស្វាយ និងក្មេងៗមួយចំនួនទៀត ដែលស្ថិតក្នុងបញ្ជីគ្រប់គ្រងតាមដានរបស់មូលដ្ឋាន ជាក់ស្ដែងទេីបបេីកប្រតិបត្តិការនិងទទួលបានលទ្ធផលដូចពេលនេះ។
បច្ចុប្បន្នសមត្ថកិច្ចបានកសាងសំណុំរឿង បញ្ជូនជនសង្ស័យ រួមជាមួយវត្ថុតាង ទៅស្នងការដ្ឋាននគរបាលខេត្ដកំពង់ស្ពឺ ចាត់ការនីតិវិធីបន្ដ៕
