ក្លឹប Manchester United បានយល់ព្រមលើកិច្ចព្រមព្រៀងមួយដើម្បីចុះហត្ថលេខាទិញកីឡាករ Matheus Cunha ពីក្លឹប Wolverhampton Wanderers។

ក្លឹបនៅ Premier League ទាំងពីរបាននិយាយកាលពីថ្ងៃអាទិត្យថាខ្សែប្រយុទ្ធប្រេស៊ីលនឹងចូលរួមជាមួយបិសាចក្រហមក្នុងកិច្ចសន្យារយៈពេល 5 ឆ្នាំ។

ប្រភពមួយក្រុមបាននិយាយថា Man United ត្រូវចំណាយលើកីឡាករវ័យ 26 ឆ្នាំ ក្នុងតម្លៃប្រហែល 62.5 លានផោន (84.12 លានដុល្លារ)ហើយ ក៏មានជម្រើសក្នុងការបន្តកុងត្រារបស់គាត់មួយឆ្នាំបន្ថែមទៀតផងដែរ។

Cunha ស៊ុតបញ្ចូលទីបាន 33 ដង ក្នុងការបង្ហាញខ្លួន 92 លើកសម្រាប់ក្រុម Wolves ។

Wolvesនាំយក Cunha លើកិច្ចសន្យាខ្ចីជើងដំបូងពីក្លឹប Atletico Madrid របស់អេស្ប៉ាញក្នុងខែធ្នូ ឆ្នាំ 2022 មុនពេលចុះហត្ថលេខាទិញគាត់ក្នុងកិច្ចសន្យាអចិន្ត្រៃយ៍រយៈពេល 4 ឆ្នាំ។ នៅក្នុងខែកុម្ភៈ Cunha បានយល់ព្រមលើកិច្ចព្រមព្រៀងថ្មីមួយដើម្បីបន្តស្នាក់នៅកីឡាដ្ឋាន Molineux រហូតដល់ឆ្នាំ 2029 ។

គាត់បានចាប់ផ្តើមអាជីពជាន់ខ្ពស់របស់គាត់នៅក្លឹបស្វីស Sion មុនពេលចូលរួមជាមួយ RB Leipzig របស់អាល្លឺម៉ង់ក្នុងឆ្នាំ 2018 ហើយបន្ទាប់មកផ្លាស់ទៅក្លឹបលំដាប់ទីពីររបស់អាល្លឺម៉ង់ Hertha BSC ក្នុងឆ្នាំ 2020។