លោក Rick Smith នាយកប្រតិបត្តិនៃក្រុមហ៊ុនបច្ចេកវិទ្យាសុវត្ថិភាពសាធារណៈ Axon Enterprises គឺជានាយកប្រតិបត្តិដែលរកចំណូលបានខ្ពស់បំផុតនៅសហរដ្ឋអាមេរិកកាលពីឆ្នាំមុនជាមួយនឹងកញ្ចប់ប្រាក់ឈ្នួលចំនួន 164.5 លានដុល្លារ លើសពី Tim Cook របស់ Apple និង Theodore A. Sarandos របស់ Netflix ។

ក្រុមហ៊ុន

Axon មានប្រាក់ចំណូលកើនឡើងជាង 30% សម្រាប់រយៈពេល 3 ឆ្នាំជាប់គ្នា ហើយបានកត់ត្រាប្រាក់ចំណូលសុទ្ធប្រចាំឆ្នាំ 377 លានដុល្លារក្នុងឆ្នាំ 2024 ។ ភាគហ៊ុនរបស់ Axon បានកើនឡើងច្រើនជាងពីរដងកាលពីឆ្នាំមុន បន្ទាប់ពីកើនឡើងជាង 50% ក្នុងឆ្នាំ 2023។

 

កញ្ចប់ប្រាក់កម្រៃរបស់ Smith ស្ទើរតែទាំងអស់មានរង្វាន់ភាគហ៊ុន ដែលគាត់អាចទទួលបានបានលុះត្រាតែក្រុមហ៊ុនរកប្រាប់ចំណេញតាមគោលដៅបានមកពីតម្លៃភាគហ៊ុន និងប្រតិបត្តិការរបស់ខ្លួនសម្រាប់រយៈពេលពីឆ្នាំ 2024 ដល់ឆ្នាំ 2030។

 

អ្នករកប្រាក់ចំណូលកំពូលផ្សេងទៀតនៅក្នុងការស្ទង់មតិរួមមាន Lawrence Culp នាយកប្រតិបត្តិGE Aerospace (87.4 លានដុល្លារ) Tim Cook នៅ Apple (74.6 លានដុល្លារ) David Gitlin នៅក្រុមហ៊ុន Carrier Global (65.6 លានដុល្លារ) និង Ted Sarandos នៅ Netflix (61.9 លានដុល្លារ) ។