ខេត្តតាកែវ៖ សាកសពបុរសម្នាក់ត្រូវប្រជាពលរដ្ឋប្រទះឃើញស្លាប់ នៅក្នុងប្រឡាយគ្មានទឹកមួយកន្លែង ស្ថិតនៅខាងលិចភូមិអង្គស្វាយចេក ឃុំចារ ស្រុកព្រៃកប្បាស ខេត្តតាកែវ កាលពីវេលាម៉ោង៧និង៣០នាទីព្រឹក ថ្ងៃទី៤ ខែសីហា ឆ្នាំ២០១៥ ។
ប្រភពពីសមត្ថកិច្ចដែលចុះត្រួតពិនិត្យដល់កន្លែងកើតហេតុបានបញ្ជាក់ថា នៅលើសាកសពមានស្នាមគ្រាប់កាំភ្លើងបាញ់ទម្លុះក្បាលមួយគ្រាប់ ដែលករណីនេះ សមត្ថកិច្ចសង្ស័យថា ជាករណីប្លន់ ។ ជនរងគ្រោះមានគ្របអាវភ្លៀងនៅពីលើ ហើយនៅក្បែរសាកសព សមត្ថកិច្ចរកឃើញ សម្បកគ្រាប់កាទុស្ស កាំភ្លើងកា៥៤មួយគ្រាប់ ។ ជនរងគ្រោះសង្ស័យថា ជាអ្នករត់ម៉ូតូឌុប និងជាដង្ខៅដើរទិញគោ ។
សមត្ថកិច្ចបញ្ជាក់ថា នៅមិនទាន់ស្គាល់អត្តសញ្ញាណជនរងគ្រោះនៅឡើយទេ ៕
ដោយ៖ ជីសូរកា
