ខេត្តកំពង់ស្ពឺ៖ ដោយទទួលបានការបញ្ជាដឹកនាំដ៏មុឹងម៉ាត់លោកឧត្ដមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្តកំពង់ស្ពឺនិងតាមប្រសាសន៍
ណែនាំបណ្ឌិត អភិបាលខេត្តលេីវិធានការបង្រ្កាបក្រុមក្មេងទំនេីងមិនលេីកលែង នៅថ្ងៃសុក្រ ២កើត ខែអាសាឍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២៧ ខែមិថុនា ឆ្នាំ២០២៥ សមត្ថកិច្ចនគរបាលជំនាញបានសហការស្រាវជ្រាវ និងបង្រ្កាបក្មេងទំនើងបង្ហោះម៉ូតូនៅលើផ្លូវបេតុង ចំណុចភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ ចំនួន ០២នាក់ ÷
(១)-ឈ្មោះ យ៉ែម ដេត ភេទប្រុស អាយុ១៧ឆ្នាំ នៅភូមិគោកដង្កោ ឃុំពេជ្រមុនី ស្រុកគងពិសី ជាអ្នកបើកម៉ូតូ និង (២)-ឈ្មោះ ខេន សុខឃីន ភេទប្រុស អាយុ១៥ឆ្នាំ នៅភូមិសែនដី ឃុំសែនដីស្រុកសំរោងទង អ្នកអង្គុយពីក្រោយ មធ្យោបាយម៉ូតូមួយគ្រឿង 125cc ឆ្នាំ២០២២ ពណ៌ខ្មៅ ផ្លាកលេខ ភ្នំពេញ 1IY-8132 ។
លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានឲ្យដឹងថាករណីក្មេងទំនើងបង្ហោះម៉ូតូនៅលេីផ្លូវសាធារណៈប៉ះពាល់សណ្ដាប់ធ្នាប់សាធារណៈនិងសុវត្ថិភាពសង្គម បានអនុវត្ដវិធានការកោសក់ក្បាលពុះជេីងក្អែក និងដកហូតរក្សាទុកម៉ូតូជាបណ្ដោះអាសន្នរយៈពេល ៩០ថៃ្ង និងអញ្ជេីញអាណាព្យាបាលមកធ្វើកិច្ចសន្យាអប់រំ ទទួលយកទៅគ្រប់គ្រងមិនឲ្យប្រព្រឹត្តទង្វើបែបនេះបន្តទៀត ជាលេីកទី២៕
