ភ្នំពេញ ៖ ជនសង្ស័យ២នាក់ត្រូវសមត្ថកិច្ចចាប់ឃាត់ខ្លួនខណៈពួកគេបាននាំគ្នាទៅទិញថ្នាំញៀននៅម្តុំមុខមន្ទីរពេទ្យលោកសង្ឃយកមកចែកគ្នាជក់អស់កន្លះកញ្ចប់កាលពីវេលាម៉ោង០១និង៣០នាទីរសៀលថ្ងៃទី២៩ខែសីហាឆ្នាំ២០១៦នៅចំណុចផ្លូវ២៧១ក្រុម១១ភូមិត្រពាំងឈូក សង្កាត់ទឹកថ្លា ខណ្ឌសែនសុខ។

ជនសង្ស័យទី១មានឈ្មោះ សុខ សាវ៉ាន់ ភេទប្រុសអាយុ១៨ឆ្នាំមុខរបរមិនពិតប្រាកដ ស្នាក់នៅមុខពេទ្យលោកសង្ឃ និងមានស្រុកកំណើតភូមិ២ ឃុំព្រះសៃខ ស្រុកពាមរ ខេត្តព្រៃវែង។ទី២ឈ្មោះ ផុន ចន្រា ភេទប្រុសអាយុ២១ឆ្នាំ មុខរបរមិនពិតប្រាកដ ស្នាក់នៅភូមិ២ ឃុំព្រះសៃខ ស្រុកពាមរ ខេត្តព្រៃវែង។

សមត្ថកិច្ចបានអោយដឹងថាមុននិងឃាត់ខ្លួនជនសង្ស័យទាំង២នាក់ខាងលើកំលាំងអន្តរាគមន៍របស់ស្នងការរាជធានីបានធ្វើការល្បាតនៅចំណុចខាងលើក៍ប្រទះឃើញពួកគេបានជិះម៉ូតូ១គ្រឿងម៉ាកស៊ុយសុីគីនិចពណ៍សពាក់ស្លាកលេខភ្នំពេញ ៖1FN 1290ជិះចេញពីតំបន់មុខពេទ្យលោកសង្ឃមានការសង្ស័យក៍ឃាត់ឆែកឆេរបានរកឃើញថ្នាំញៀន១កញ្ចប់នៅជាប់ខ្លួនទើបសមត្ថកិច្ចឃាត់ខ្លួនយកមកសាកសួរនៅប៉ុស្តិ៍នគរបាលរដ្ឋបាលទឹកថ្លាតែម្តង។

តាមការឆ្លើយសារភាពរបស់ជនសង្ស័យថាពួកគេបាននាំគ្នាជិះម៉ូតូចូលមកទិញថ្នាំញៀននៅចំណុចខាងលើ១កញ្ចប់តូចហើយបានចែកគ្នាជក់អស់ពាក់កណ្តាលរួចទុកក្នុងហោប៉ៅ លុះពេលជិះចេញមកដល់ផ្លូវ២៧១ក៍ជួបនិងសមត្ថកិច្ចឃាត់ខ្លួនតែម្តង។

បច្ចុប្បន្នជនសង្ស័យរួមនិងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការបន្តតាមផ្លូវច្បាប់៕

ដោយ៖ តុង សីហា